Rusiye dron ücümleri aqqında bildirdi

Nezaret resursları çiçek ayınıñ 14-ne keçer gecesi işğal etilgen Qırımda patlavlar olğanını bildire. Hususan, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ve Keriç rayonlarında. Rusiye Mudafaa nazirligi yarımada ve Rusiye toprağına dron ücümi aqqında bildirdi.

Rusiye nazirligi Telegramda bu aqqında yazdı.

"Keçken gece çiçek ayınıñ 13-nde saat 20:00-dan çiçek ayınıñ 14-nde saat 7:00-ğa qadar AMSava mudafaası sisteması vastaları Belgorod, Brânsk, Voronej, Kursk, Lipetsk, Rostov ve Tula vilâyetleri, Qırım ve Azaq deñizi üzerinde 97 ukrayin uçucısız uçaq aletini toqtatqanlar", — dep haberde qayd etildi.

Qırımğa ücüm aqqında malümat derc etilgende Ukrayina tarafı onı resmen izaatlamadı.

Ukrayina mudafaa naziriniñ cebede UUA qullanuvınıñ arttırılması meseleleri mesleatçısı Serğiy Sternenko Telegramda yazdı ki, gece Mudafaa quvetleri işğal etilgen Qırımğa kütleviy ücüm etti. Onıñ malümatına köre, patlavlar Simferopol (Aqmescit), Feodosiyada (Kefede) ve Keriç rayonlarında eşitildi.

"Qırım yeli" nezaret Telegram kanalı gece saat 2-de Simferopolda (Aqmescitte) Rusiye AMSniñ çalışqanı ve patlavlar aqqında haber etti, şu cümleden Tavriya elektrik stantsiyası yanında, "Ğvardiyskıy" ava limanı rayonında, işğal etilgen Feodosiyada (Kefe) ve Keriçte.

"Exilenova+" ukrayin nezaret Telegram kanalı işğal etilgen Simferopol (Aqmescit), Feodosiya (Kefe), Keriçte uçucısız uçaq aletleriniñ ücümleri aqqında haber etti.

"Bir qaç saat devamında işğal etilgen Qırımğa ücüm etken UUAleriniñ reydleri devam ete. Patlavlar Simferopol (Aqmescit — terciman), Feodosiyada (Kefede — terciman), Keriç rayonlarında yüz berdi. Saba profil hızmetlerinden ücüm etilgen obyektler aqqında daa çoq malümat alacaqmız", — dep haberde qayd etildi.

Читати ще