Qırım siyasiy mabüsi Ğennadiy Lımeşko Rusiye Federatsiyasınıñ "aşırıcılıq" qabaatınen çıqarğanı qanunsız üküminden soñ endi 7 aydır bağğa çıqmay. Onıñ aqqında soñki malümat 2025 senesi ilk küz ayında keldi.
Qırımtatar Resurs Merkezine (QRM) onıñ apayı İrına Lımeşko bunı bildirdi.
"Soñki sefer advokatımız vastasınen 2025 senesi ilk küz ayında laf etken edik. O, bağlanmağa imkânı olmağanını ayttı. Onı Stavropol SİZOsından müstemlekege etap etecek ediler, amma qayda etekeceklerini bilmeymiz", — dep İrına Lımeşko qayd etti.
Ğennadiy Lımeşko kimdir
Lımeşko 1992 senesi ilk qış ayınıñ 29-nda doğdı. Harkiv milliy köy hocalığı tehnik universitetini bitirdi. 2015 senesinden 2017 senesine qadar ilk evelâ göñülli batalyonda, soñra ise Ukraina Silâlı quvetleri erkânında kontrakt boyunca hızmet etti.
2017 senesi arman ayınıñ 12-nde Rusiye FSBsi işğal etilgen Qırımdaki Sudaqta "UHH agenti" dep adlandırılğan ve yarımadanıñ astyapı ve yaşayış obyektlerine qarşı diversiya azırlağanında qabaatlanğan adamnıñ tutulğanını bildirdi.
Lımeşko "patlayıcı maddeler ve silâ qanunsız satın aluv, taşuv ve saqlav"da qabaatlandı. İşğalli mahkeme Qırımnıñ işğali sebebinden "siyasiy duşmanlıq" sebebini ağırlaştıra, onıñ içün o diversiya yapmağa razı oldı.
Ukrayin öz qabaatını tanıdı ve davağa qoşulmağan tahqiqatnen resmiy olmağan añlaşma tizdiler. İşğalli mahkeme onı sekiz yılğa mahküm etti, yaş qızı içün ükümini yarım yılğa qısqarttı. Lımeşkonıñ qorantası tüşüne ki, o, FSB basqısı ve işkencege oğratılğanında Qırımdaki diversiyalarnı azırlağanı aqqında şaatlıq etti. Advokatı, üküm "cinayet ağırlığına uymağanı"nı ayttı.
Kiçik ayda faalci, işğalciler tarafından "diversiya azırlağanı"nda qabaatlanıp, 8 yıl apiste yatqan soñ azatlıqqa çıqacaq edi, amma Rusiye Federatsiyasınıñ Rostov vilâyetindeki ecnebiylerni vaqtınca tutuv merkezinden çıqqan soñ ğayıp oldı. Saban ayınıñ 13-nden itibaren onıñ ile bağ bütünley yoq oldı, ve resmiy müessiselerge berilgen muracaatlardan iç biri netice bermedi.
Bundan soñ onı belli olmağan yerge alıp kettiler, qorantası ise çoq vaqıt devamında onıñ bulunğan yeri aqqında iç bir şey bilmey edi. İrına Lımeşkonıñ aytqanına köre, Ğennadiy Pâtigorsk şeeriniñ 1-nci SİZOsına avuştırıla bile edi.
2025 senesi arman ayında Ğennadiy Lımeşkoğa qarşı Rusiyede yañı cinaiy dava açıldı — "aşırıcılıq faaliyetine açıq çağıruvlar" sebebinden. Rusiye mahkemesi onı qabaatlı tanıp, sert rejimli müstemlekede 2 yılğa üküm etti.
Qorantası çoq vaqıt devamında onıñ bulunğan yeri aqqında bir şey bilmey edi. Siyasiy mabüsniñ apayı İrına Lımeşkonıñ aytqanına köre, Ğennadiy Pâtigorsk şeeriniñ 1-nci SİZOsına avuştırıla bile edi, anda belki de izolâtsiyada tutula edi.
"Qırımtatar Resurs Merkezi Ğennadiy Lımeşkonıñ tekrar qanunsız apiske alınmasını takbih ete ve bunı Ukrayina vatandaşınıñ siyasiy sebeplerden taqip etilmesiniñ devamı dep saya. QRM qayd ete ki, tekrarlanğan apis cezaları, azat etilüvniñ blok etilmesi ve insanlarnıñ inkommunikado şaraitinde tutulması Rusiye Federatsiyasınıñ repressiyalarınıñ sistematik aleti ola", — dep haberde qayd etildi.
QRM hatırlata ki, bu kibi vaziyet diger Qırım siyasiy mabüsleri — Andriy Zahtey ve Mıkola Şıptur ile de yüz berdi. Olarnıñ qanunsız apis müddetleri 2023 senesi kiçik ve saban aylarında bitti, lâkin işğalciler olarnı Rostov vilâyetindeki ecnebiylerni vaqtınca tutuv merkezinde bir qaç ay tuttılar.
"O vaqıt vaziyetni siyasiy mabüslerniñ tuvğanlarınıñ faal nazar noqtası, QRMnıñ uquqçıları, uquq qorçalayıcılar ve advokatlarnıñ vaziyetke vaqtında qoşulması sayesinde çezmege imkân oldı. Amma, yazıq ki, er kesniñ böyle şansı yoq. Mesele şunda ki, al-azırda Ukrayinağa qaytmaq içün şahsiy şahıs şeadetnamesini almaq içün insan bulunğan memlekette bulunğan Ukrayina diplomatik temsilciligine şahsen muracaat etmeli, Rusiye toprağında Ukrayina elçihaneleri ve konsullıqları ise 2022 senesi kiçik ayda başlağan tolu miqyaslı istilâdan soñ işini toqtattı", — deyp uquq qorçalayıcılar añlattılar.
QRM qayd ete ki, Ğennadiy Lımeşko, Ukrayinada vesiqaları olmağanı sebebinden Rusiyede apis cezasını çekken soñ, Ukrayinağa qaytmaqta qıyınlıqlarğa rastkeldi.
"Ukrayinağa qaytmaq içün şahsiy şahıs şeadetnamesini elde etmek içün insan bulunğan memlekette Ukrayina diplomatik temsilciligine şahsen muracaat etmeli, bu ise 2022 senesi kiçik aydan itibaren Rusiye toprağında mümkün degil. Ve tuvğanları muracaat ete bilecek olğan deñev leyhası artıq çalışmay. Bundan ğayrı, 2014-2015 seneleri işğalciler tarafından Qırımda qanunsız tutulğanlar aqqında malümat Yekâne devlet demografik cedvelinde yoq. Em de Rusiye Ukrayinanıñ VİETda ve Rusiye toprağında Ukrayina vatandaşınıñ vaqtınca şahsiy vesiqasını ve Ukrayina vatandaşlığını tasdıqlağan vesiqanı tanımay, Ukrayina pasportlarını ya da Ukrayinağa qaytmaq içün şahsiy şahsiy vesiqanı talap ete", — dep uquq qorçalayıcılar añlattılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
