Ruslar Qırım siyasiy mabüsi Serğiy Lıhomanovnı işğal etilgen Qırımğa etap ettiler. 40 kün devamında onıñ bulunğan yeri belli degil edi. Bugün uquq qorçalayıcılar, onıñ Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 2-nci SİZOda bulunğanını ögrendiler.
Facebookta uquq qorçalayıcı ve Qırımtatar resurs merkeziniñ (QRM) idarecisi Zarema Bariyeva bunı bildirdi.
Ukrayina vatandaşı Serğiy Lıhomanov 2023 senesi ilk qış ayınıñ soñunda işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) tutuldı. 2024 senesi mayıs ayında "mahkeme" onı qanunsız şekilde "patlayıcı taşuv ve saqlav"da qabaatlap, müstemlekede 5 yılğa üküm etti.
Soñki sefer onıñ qorantası kiçik aynıñ 16-nda tibbiy yardım kerek olğanı aqqında mektüp alğan edi. Yazışuv sıñırlavları sebebinden o, öz vaziyetini açıqtan añlatıp olamadı. Uquq qorçalayıcılarnıñ malümatına köre, qanunsız apis yılları devamında Serğiy Lıhomanov bayağı kilo berdi ve kerekli tibbiy yardım alamay.
"Serğiyniñ Taganrognıñ 2-nci SİZOsından Simferopolnıñ (Aqmescitniñ — terciman) 2-nci SİZOsına saban ayınıñ başında etap etilgeni belli oldı. Sağlıq vaziyeti ağır olğanına ve bir çoq hronik hastalıqqa baqmadan, Serğiy ekinci sefer Qırımdan degil de, işğal etilgen Qırımğa yol aldı. Serğiy Lıhomanovnıñ ikâyeleri acayip bir şey degil. Bütün bu zulumlarğa dayanmaq içün içimizde nasıl bir insan küçü olğanını bilmeyim, ve bu fizikiy degil de, maneviy bir işkencedir. Serğiy — eki kere mahküm etilgen ve eki kere Qırımdan Qırımğa etap etilgen Qırım siyasiy mabüslerinden biridir. Soñsuz basamaqlar, hastalıqlar ve işkence — Serğiyniñ qanunsız apis etilmesinden soñ 2 yıllıq ayatımıznıñ bütün bularınen tolu edi", — dep Bariyeva yazdı.
Siyasiy mabüsniñ ayrıca bağırsaq ve prostata tedaviylenmesi içün ilâclar kerek. Bundan evel onıñ ayağında ağrılı şişegi bar edi: qısmen tibbiy yardım alğan soñ, ağrı yoq olmadı, ve teşkerüv neticeleri oña bildirilmedi. Bundan da ğayrı, onıñ hronik omurğa ve büyrek hastalıqları bar.
"Böyle diagnozlarnen o mahsus aşayt ve tedaviylevge muhtac, amma Simferopoldaki (Aqmescitteki — terciman) 2-nci SİZOda bu imkânlar yoq. Sınavlar ve kerekli aş etüvniñ olmaması hastalıqlarnı kerginleştire ve bedenni yoray. Siyasiy mabüslerniñ Rusiye Federatsiyasınıñ bölgeleri ve vaqtınca işğal etilgen Ukrayina topraqları boyunca etap etilmesi, hususan tekrarlanğan etaplar, fizikiy ve maneviy basqınıñ daa bir şekli olaraq sayıla bile, çünki bu kibi avuştırmalar pek ağır ola ve sıq-sıq aylarnen degil de, aftalarnen devam ete. İşğalciler qanunsız sürette apiske alınğan Ukrayina vatandaşlarına qarşı bu işkence şeklini muntazam sürette qullanalar", — dep Bariyeva qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
