Bir aydan devamında Qırım siyasiy mabüsi Serğiy Lıhomanov aqqında iç bir haber yoq

Qırım siyasiy mabüsi Serğiy Lıhomanov aqqında bir aydan ziyade iç bir haber yoq. Keçken sene işğalli akimiyet onı "devlet hainligi" içün 15 yılğa mahküm etti ve şimdi Taganrognıñ 2-nci tahqiqat izolâtorında tuta. Adamnıñ bir sıra hronik hastalığı bar, ve kiçik ayda sağlığı fenalaştı.

Çeçek ayınıñ 9-nda Qırımtatar resurs merkezi bunı bildirdi.

"Onıñ qorantası ve yaqınları onıñ ne yerde ve ne olğanını bilmeyip, telâşlanalar. Adamnıñ bir sıra hronik hastalığı bar ve o, Rusiyeniñ eñ sert SİZOtaqiqat izolâtorılarından birinde, Taganrog şeerinde, tutula", — dep uquq qorçalayıcılar qayd ettiler.

Hatırlatamız ki, Qırım siyasiy mabüsi Serğiy Lıhomanovnıñ sağlıq vaziyeti fenalaştı. O, daa evel mide-içekler sistemasınıñ hronik hastalıqları içün tedaviylevge muhtac, dep saban ayınıñ 3-nde Qırımtatar resurs merkezi, Qırım sakininiñ qardaşı Tetâna Zelenağa esaslanıp, bildirdi.

2023 senesi ilk qış ayınıñ 27-nde işğal etilgen Qırımda sabıq arbiy hızmetçiler Serğiy Lıhomanov ve Ruslan Çornıy-Şvetsniñ evleri tintildi. Lıhomanovnı FSB hadimleri belli olmağan yerge alıp kettiler. Bir ay devamında tuvğanları Serğiy ve Ruslan aqqında bir şey bilmey ediler.

Olarnı Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında tuta ediler, soñra Lıhomanovnı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 8-nci SİZOsına avuştırdılar.

2024 senesi mayısnıñ 15-nde işğalli Sevastopol (Aqyar) işğalli mahkemesi Lıhomanovnı sert rejimli müstemlekede 5 yılğa ve "devlet hainligi" içün 50 biñ rublelik para cezasına mahküm etti. Bundan soñ onı Belbek özenindeki demiryol köpründe "patlav azırlağanı"nda qabaatladılar. 2025 senesi orta küz ayınıñ 8-nde adamnı qanunsız alda müstemlekede 15 yılğa ve 50 biñ ruble para cezasına mahküm ettiler.

Evel mahküm etilgen Qırım sakininiñ qardaşınıñ Suspilne Qırımğa bildirgenine köre, quvetçiler adamnı işğal etilgen Qırımda qalmağa mecbur olğan qorantası vastasınen şantaj eteler. O, siyasiy mabüsniñ deñiştirüv cedveline kirsetilmesini istey.

Читати ще