İşğal etilgen Qırım, Zaporijjâ ve Herson vilâyetlerinden ububat mahsulatınen yüklengen "MATROS POZYNICH" Rusiye gemisi Suriyedeki Latakiya limanına keldi.
"Barışrıcı" Merkeziniñ SeaKrime leyhasınıñ jurnalisti Katerına Yaresko Facebookta bu aqqında yazdı. Onıñ aytqanına köre, balqar işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) yüklengen edi.
"MATROS POZYNICH (IMO: 9573816) İskenderun yükleme limanı olaraq qayd etilgenine baqmadan, Latakiyağa keldi. Gemi, işğal etilgen Ukrayina topraqlarından — Zaporijjâ ve Herson vilâyetlerinden, Qırım Muhtar Cumhuriyetinden 27500 tonna boğdaynı taşıy. İşğal etilgen Sevastopolda (Aqyarda — terciman), Avlita ububat terminalında, 44.6248, 33.5522 yerlerinde yüklemeler", — dep haberde qayd etildi.
Bİİniñ malümatına köre, "MATROS POZYNICH" balkeri Ukrayina, Avropa Birligi ve İsviçre tarafından sanktsiyalar altında buluna.
Yaresko qayd ete ki, Suriye hırsızlanğan ukrayin mallarını qabul etüvde lider oldı, Tartus ve Latakiya limanlarında işğal etilgen Qırım limanlarından er vaqıt ubuat gemileri boşatıla.
Hatırlatamız ki, Rusiyeniñ ABINSK quru yük gemisi (IMO: 9303869) 21 kün devamında, saban ayınıñ 23-nden çiçek ayınıñ 12-ne qadar, çalışmayıp, İsrail limanına kirdi. Jurnalistlerniñ malümatına köre, gemide işğal etilgen Ukrayina topraqlarından hırsızlanğan 43 biñ tonnadan ziyade boğday bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
