Çiçek ayınıñ 8-nde Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addeki) neft terminalına ücüm işğal etilgen Qırımda ve cenüpte Rusiye ordusınıñ logistikalarına tesir etti. O, yarımadağa yaqarlıq ve yağ ketirüv noqtalarından biri edi.
"Strategiya XXI" globalistika merkeziniñ icracı müdiri Oksana İşçuk Suspilne Qırımğa ücüm aqibetleri, bu ücüm Rusiye ordusınıñ logistikağa tesiri ve yarımadada yaqarlıqnen bağlı vaziyet aqqında tarif etti.
Oksana İşçuknıñ aytqanına köre, Qırımnıñ öz neft işlep çıqaruvı yoq ve o bütünley Rusiye Federatsiyasınıñ toprağından yaqıt berilmesine bağlıdır.
"Neft bazası, Feodosiyada (Kefede) deñizde yerleşken neft terminalı, Qırımğa yaqarlıq ve yağ malzemeleriniñ teminatı içün esas noqta ola, çünki Qırımnıñ öz işlep çıqaruvı yoq. O, cermay mahsulatınıñ teminlevine bağlıdır. Onıñ içün, Qırımğa neft mahsulatını ketirmek içün üç esas noqta bar", — dep İşçuk qayd etti.
Mütehassısnıñ añlatqanına köre, Feodosiyadaki (Kefedeki) terminal, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Keriç köprünen beraber, üç esas logistika noqtasından biri edi. Aynı zamanda o, tek qabul etüvden degil de, büyük miqdarda yanacaqnıñ saqlanuvını temin ete edi.
"Qırımda ve cenübiy cebede Rusiye arbiy taqımlarına hızmet etken bir neft bazasınıñ zarar kördik. Bu Herson ve Zaporijjâ yönelişleridir. Böylece, bu tek neft mahsulatı ve yaqarlıq-yağ malzemeleriniñ qabul etilmesi içün terminal degil edi, aynı zamanda büyük rezervuar parkı edi", — dep bildirdi o.
Onıñ aytqanına köre, bu suv anbarı evelden ücümge oğrağan edi, ve anbarlarnıñ bir qısmı zarar körgen edi. Yañı ücümler, ğaliba, bu noqtanıñ bozulmasına yol açacaq.
Neticesinde, Rusiye ordusı yaqarlıqnen temin etüv usulını deñiştirmege mecbur oldı.
"Bu ücüm, duşmannıñ neft mahsulatı ve yaqarlıq saqlamaq içün imkânları olmağanı sebebinden, logistika ve yaqıtnıñ ketirilmesini teşkil etmege mecbur olacaq. Yani şimdi Keriç köprüne yöneliş deñişecek", — dep mütehassıs bildirdi.
O qoştı ki, Keriç köprüniñ esas yol olaraq qullanılması logistikağa qoşma yükni ketire.
"Keriç köprü yalıñız yaqarlıq ketirmek içün degil de, diger vatandaş ihtiyacları içün de qullanılğanı içün, bu, cenübiy yönelişte operatsiyanıñ keçirilüvine tesir etecek. Ve bu, bu darbe tesiriniñ esas neticesi", — dep İşçuk tarif etti.
Arbiy noqta-i nazardan tış, aqibetleri vatandaşlarğa da tesir ete. Mütehassısnıñ aytqanına köre, yarımadada yaqarlıq qıtlığı ola bile.
"Eger de bu esas merkez zarar körse, onıñ neticesinde eki-altı aftağa qısqa müddetke yetecek, rezervuar imkânlarınıñ bir qısmını bile tamin etecegine qadar'', — dep o haber berdi.
Mütehassısnıñ fikirince, logistikanıñ böyle deñişmeleri Rusiyeniñ cenübiy yönelişte arbiy areketleriniñ planlaştırılmasını ve keçirilmesini qıyınlaştıra.
"Bizim içün bu, duşmannıñ tez manevr tedbirlerini keçirmek içün imkânsızlığını añlata, çünki şimdi logistika olacaq, arbiy yaqarlıq teminatı bu rezervuar parkı altında degil. Şimdi ise, Keriç köpründen keçip, yaqarlıq berilmesine bağlı olacaq. Anda keçikler ola bile, şunıñ içün bu er şey cenübiy yönelişte ameliyatnıñ planlaştırılmasına tesir ete", — dep İşçuk qoştı.
Aynı zamanda, vatandaş sektorı içün bu, tek qıtlıq degil de, yaqarlıq fiyatınıñ artması ve satıluvınıñ sıñırlanması demek ola bile.
Hatırlatamız ki, Feodosiya (Kefe) deñiz neft terminalında yanğın çiçek ayınıñ 8-nde ücümden soñ üç kündir devam ete. NASA FIRMS uydu hızmetiniñ malümatına köre, çiçek ayınıñ 10-na qadar küçü eksildi, amma alâ daa qayd etile. İşğalli akimiyet şeerde areket sıñırlavı aqqında haber etti, Rusiye Mudafaa nazirligi ise yarımadada dronlarnıñ tüşürilüvi aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
