Taganrognıñ 2-nci SİZOsında tutulğan Qırım siyasiy mabüsi Serğiy Lıhomanovnıñ sağlıq vaziyeti fenalaştı. O, hronik mide-içekler yolu hastalıqlarınıñ tedavisine muhtac.
"Qırımtatar resurs merkezi", mabüsniñ qardaşı Tetâna Zelenağa esaslanıp, bunı bildirdi. Kiik aynıñ 16-nda ailesi ondan mektüp aldı.
"Serğiy Lıhomanov oña ilâclarnı bermege rica ete. Mektüpleşme sıñırlavları sebebinden o, alı aqqında doğrudan-doğru haber etip olamay, lâkin ilâç talap etmesi ciddiy sağlıq meseleleri bar olğanını köstere. Hususan, siyasiy mabüsniñ içekler tedaviylenmesi içün ilâçlar kerek, bu ise, hronik mide-içekler yolu hastalıqlarınıñ kerginleşmesini köstere bile, em de prostat tedaviylenmesi içün ilâçlar. Daa evel oña proktosigmoidit ve sigmoid içekler divertikuliti diagnozı qoyulğan edi", — dep haberde aytıla.
Bundan da ğayrı, Lıhomanovnıñ tirseginde ağırğan yañı şişik tapıldı. O irinden temizlendi, teşkerüv yapıldı ve oña antibiotik berildi, lâkin teşkerüv neticeleri öyle de bildirilmedi. Şişik qısmen azlaştı, ağrı devam ete.
Hatırlatamız ki, 2023 senesi ilk qış ayınıñ 27-nde işğal etilgen Qırımda sabıq arbiy hızmetçiler Serğiy Lıhomanov ve Ruslan Çornıy-Şvetsniñ evleri tintildi. Lıhomanovnı FSB hadimleri belli olmağan yerge alıp kettiler. Bir ay devamında tuvğanları Serğiy ve Ruslan aqqında bir şey bilmey ediler.
Olarnı Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) SİZOsında tuta ediler, soñra Lıhomanovnı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) 8-nci SİZOsına avuştırdılar. Anda o, bir kişilik kamerada tutuldı. 2024 senesi mayısnıñ 15-nde işğalli Sevastopol (Aqyar) işğalli mahkemesi Lıhomanovnı sert rejimli müstemlekede 5 yılğa ve "devlet hainligi" içün 50 biñ rublelik (24 biñ ğrıvnâ) para cezasına mahküm etti. Bundan soñ onı Belbek özenindeki demiryol köpründe "patlav azırlağanı"nda qabaatladılar. 2025 senesi orta küz ayınıñ 8-nde adamnı qanunsız alda müstemlekede 15 yılğa ve 50 biñ ruble para cezasına mahküm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
