İşğal etilgen Qırımnıñ esas neft bazası olğan Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad deki) deñiz neft terminalında çeçekniñ 8-nde gece ukrayin arbiyleriniñ ücüminden soñ büyük yanğın çıqtı. O yerde eñ az eki suv anbarı yana.
Radio Svobodanıñ "Shemalar" leyhasınıñ jurnalistleri bunı bildirdiler ve Planet Labs fotoresimlerini derc ete.
"Keçken künleri yapılğan uydu resimleriniñ talili, 2025 senesi orta küz ayında Mudafaa quvetleriniñ ücümlerinden soñ aman qalğan eñ az eki suv anbarınıñ yanğanını köstere", —dep haberde qayd etildi.
Aynı zamanda "Qırım yeli" Telegram kanalı çeçekniñ 8-nde yazdı ki, saat 22:47-de, şaatlarnıñ videolarına atıf etip, neft bazasında yanğın endi 22 saattir sönmey.
Çeçek ayınıñ 9-nda saba Feodosiyada (Kefede) deñiz neft terminalında yanğın devam ete. "Qırım yeli"niñ Telegram kanalına monitoring gruppası bildirdi ki, yanğın miqyası biraz eksildi, amma yanğın alâ daa küçlü.
Hatırlatamız ki, İşğal etilgen Qırımnıñ Feodosiya (Kefe) şeerinde çeçek ayınıñ 8-de gece uçucısız uçaq aletleriniñ ücüminden soñ neft bazasında yanğın çıqtı. Yerli işğalli akimiyet bir qaç soqaqnı maşnalar içün blok etkenini bildirdi. Aynı vaqıtta Rusiye Mudafaa nazirligi yarımada üzerinde dronlarnı urğanını bildirdi.
Çeçek ayınıñ 8-nde işğal etilgen Qırımda Feodosiyada (Kefede) "Deñiz neft terminalı" ATnıñ zarar körgenini USQniñ komandanı Robert ("Madâr") Brovdi bildirdi.
Ukrayina Silâlı quvetleriniñ Baş ştabı çeçek ayınıñ 8-nde Kefede, ücümden soñ yanğın çıqqan yerlerde ve Ğvardiyske köyünde olğan yanğınnı tasdıqladı. Bundan ğayrı, ukrayin arbiy hızmetçileri Novoozerne rayonındaki radioelektron keşfiyat stantsiyasına ve Sofiyivka civarındaki "Bastion" yalı raketa kompleksiniñ mevam rayonına darbeler endirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
