İnsansız sistemalar quvetleriniñ komandanı Robert (Madâr) Brovdi çeçek ayınıñ 8-de gece işğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeerindeki "Deñiz neft terminalı" ATnıñ zarar körgenini bildirdi.
O, Facebook saifesinde bunı bildirdi.
Onıñ aytqanına köre, ücümni 414-ünci ayrı "Madâr quşları" insansız sistemaları brigadasınıñ 9-ıncı "Kayros" batalyonınıñ askerleri yaptılar.
Hatırlatamız ki, işğal etilgen Qırımnıñ Feodosiya (Kefe) şeerinde çeek ayınıñ 8-nde gece, şaatlarnıñ aytqanına köre, dron ücüminden soñ, neft bazasında yanğın çıqtı. Yerli işğalli akimiyet bir qaç soqaqnı maşnalar içün blok etkenini bildirdi. Aynı vaqıtta Rusiye Mudafaa nazirligi yarımadada dronlarnı tüşürgenini bildirdi.
Bundan evel Ukrayina Silâlı quvetleriniñ Baş ştabı, çeçek ayınıñ 8-nde gece dronlar tarafından Qırımdaki "Deñiz neft terminalı" ATnıñ "Qırım yarımadası ve vaqtınca işğal etilgen Ukrayina cenübiy topraqlarına deñiz yolunen yaqarlıq ve yağ malzemeleriniñ teminatı içün esas noqta" olğanını bildirdi.
Hatırlatamız ki, işğal etilgen Qırımda Rusiye ordusınıñ ava mudafaası sisteması tolu miqyaslı istilâ vaqtında eñ yaramay vaziyetke tüşti, dep yarımadada Rusiye AMS bölükleriniñ agenti "Ateş" arbiy-partizan areketine bildirdi.
Bu Ukrayina Mudafaa quvetleri tarafından S-400 ve "Pantsir-S1" raketa-top kompleksleriniñ idare noqtalarınıñ muntazam sürette yoq etilmesi neticesinde oldı, dep agent qoştı.
Saban ayında Baş ştab, Bİİ, MOQ ve İSQ "Pantsir" zenit-raketa-top kompleksleriniñ qurulışları, uçucısız uçaq aletlerini saqlav yerleri, dron idare etüv stantsiyaları, hadimler toplaşqan yerler zarar körgenini bildirdi. Arbiy mütehassıs İvan Stupak Suspilne Qırımğa, ücüm muvafaqiyetleri sistematik ve muntazam olğanında, dep ayttı.
Çeçek ayınıñ 5-nde işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) uçucısız uçaq aletleriniñ ücüminden soñ şeerniñ bir qısmı elektriksiz qaldı. İşğalli akimiyet, urulğan UUAleriniñ parçaları sebebinden elektrik ağlarına zarar körgenini bildirdi. Hususan, "Belbek" arbiy ava limanı yerleşken Lübımivka köyünde yarıq yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
