İşğal etilgen Qırımnıñ Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde çeçek ayınıñ 8-de gece uçucısız uçaq aletleriniñ ücüminden soñ neft bazasında yanğın çıqtı. Yerli işğalli akimiyet bir qaç soqaqnı maşnalar içün blok etkenini bildirdi. Aynı vaqıtta Rusiye Mudafaa nazirligi yarımada üzerinde dronlarnı urğanını bildirdi.
Rusiye Mudafaa nazirliginiñ bildirgenine köre, Qırım, Qara ve Azaq deñizleri, em de Rusiye Federatsiyasınıñ Orlov, Rostov vilâyetleri ve Krasnodar ülkesi üzerinde bir gecede 73 dron tüşürildi.
Şaatlar "Qırım yeli" Telegram kanalına bildirdiler ki, Feodosiyada (Kefede) gece neft bazası rayonında yanğın çıqtı. Yerli sakinniñ aytqanına köre, patlavdan evel eñ az üç dron Eski Qırım üzerinde o yönelişke uçtı.
Bundan da ğayrı, bir saat içinde yanğın o qadar büyük oldı ki, onı 20 km uzaqlıqtan körmek mümkün edi.
Şeerniñ işğalдi memuriyeti Fedko soqağı, Geologik soqağı ve Keriç şossesi boyunca maşinalarnıñ areketini toqtatqanını bildirdi. "Qırım 24" neşiriniñ haber etkenine köre, areket Vladıslavivka ve "Tavrida" trassası boyunca keçirildi.
Keçenlerde ukrayin nezaret Telegram kanalı, evelki dron ücümlerinden soñ Feodosiyada (Kefede) neft bazasınıñ vaziyetini kösterdi. O qayd etti ki, obyektte "Pantsir" zenit raketa-top kompleksi ya da onıñ ücümlerni qaytarmaq içün maketi yerleştirilgen.
Bundan evel Ukrayina Silâlı quvetleriniñ Baş ştabı, çeçek ayınıñ 8-nde gece dronlar tarafından Qırımdaki "Deñiz neft terminalı" ATnıñ "Qırım yarımadası ve vaqtınca işğal etilgen Ukrayina cenübiy topraqlarına deñiz yolunen yaqarlıq ve yağ malzemeleriniñ teminatı içün esas noqta" olğanını bildirdi.
Ukrayin arbiy hızmetçileri, Feodosiyadaki (Kefedeki) neft bazasınıñ zarar körgenini daa tasdıqlamadılar.
Hatırlatamız ki, işğal etilgen Qırımda Rusiye ordusınıñ ava mudafaası sisteması tolu miqyaslı istilâ vaqtında eñ yaramay vaziyetke tüşti, dep yarımadada Rusiye AMS bölükleriniñ agenti "Ateş" arbiy-partizan areketine bildirdi.
Bu Ukrayina Mudafaa quvetleri tarafından S-400 ve "Pantsir-S1" raketa-top kompleksleriniñ idare noqtalarınıñ muntazam sürette yoq etilmesi neticesinde oldı, dep agent qoştı.
Saban ayında Baş ştab, Bİİ, MOQ ve İSQ "Pantsir" zenit-raketa-top kompleksleriniñ qurulışları, uçucısız uçaq aletlerini saqlav yerleri, dron idare etüv stantsiyaları, hadimler toplaşqan yerler zarar körgenini bildirdi. Arbiy mütehassıs İvan Stupak Suspilne Qırımğa, ücüm muvafaqiyetleri sistematik ve muntazam olğanında, dep ayttı.
Çeçek ayınıñ 5-nde işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) uçucısız uçaq aletleriniñ ücüminden soñ şeerniñ bir qısmı elektriksiz qaldı. İşğalli akimiyet, urulğan UUAleriniñ parçaları sebebinden elektrik ağlarına zarar körgenini bildirdi. Hususan, "Belbek" arbiy ava limanı yerleşken Lübımivka köyünde yarıq yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
