İşğal etilgen Qırımda 2025 senesi boş aydan berli Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad teki) Rusiye kontrolindeki migratsiya müessisesini ziyaret etken soñ ğayıp olğan ukrayinalı Marına Rıffnıñ taqdiri belli degil.
Qırım uquq qorçalayıcı gruppası bunı bildirdi.
Onıñ malümatına köre, 2025 senesi boş aynıñ 12-nde qadın işğal migratsiya müessiselerinden birini ziyaret etken soñ, onıñ ile bağ yoq oldı. Qayd etilgenine köre, Marına Rıff Rusiye pasportını almadı ve ukrayin vesiqalarını qullanmağa devam etti.
Daa soñra uquq qorçalayıcılar ögrendiler ki, Rusiye kontrolindeki Simferopolnıñ (Aqmescitniñ) Kiyev rayon mahkemesi oña "aşırıcı timsallerni numayış etüv" ve "Rusiye ordusını itibardan tüşürüv" qabaatlavları boyunca 14 künge memuriy apis cezasını berdi.
Aynı zamanda uquq qorçalayıcılarnıñ malümatına köre, bundan soñ soy-soplarına qadınnıñ taqdiri ve bulunğan yeri aqqında haber etilmedi. Tuvğanları, onı Simferopoldaki (Aqmescitteki) tahqiqat izolâtorlarından birinde tutalar, dep tahmin eteler.
Qırım uquq qorçalayıcı gruppası tüşüne ki, Marına Rıffnıñ taqip etilüvi onıñ açıqtan-açıq Ukrayina tarafdarı olğanınen bağlı ola bile. Onıñ malümatına köre, o, yarımada işğal etilgen soñ Rusiye pasportını almağa red etti, basqı ve qorquzuvlarğa baqmadan, Ukrayinağa açıqtan qol tuttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
