Saban ayında işğal etilgen Qırımda 26 insan qanunsız şekilde tutuldı, olardan 10-u — qırımtatar, aynı zamanda bu müddet içinde beş insan tutuldı, bir tintüv ve beş sorğu, sorav ve subet qayd etildi.
"Qırımtatar resurs merkezi"niñ saban ayındaki esabatında bu aqqında aytıla.
Hususan, saban ayınıñ 23-nde, 1971 senesi doğğan Alupka sakininiñ evi tintildi. O, terrorizmge açıq çağıruvlarda qabaatlana.
"Saban ayında apiske alınğanlarnıñ sayısı 26 oldı. Fizikiy ve ruhiy sağlıqnıñ yüksek seviyesine aqqınıñ bozuluvı aqqında 7 adise belli", — dep haberde qayd etildi.
Hatırlatamız ki, kiçik ayda, QRMniñ malümatına köre, işğal etilgen Qırımda dört tintüv, sekiz tevqif/tutuluv, sekiz sorğu, sorav ve "subet" vaqiası ve 22 tevqif oldı.
2025 senesi işğal etilgen Qırımda Qırımtatar resurs merkezi 244 tevqif qayd etti, olardan 90-ı qırımtatarlarğa qarşı.
Rusiye vaqtınca işğal etilgen Ukrayina topraqlarında halqara uquqnı muntazam sürette boza, cenkni tenqit etkeni ve uydurılğan qabaatlavlar sebebinden vatandaşlarnı kütleviy sürette tutıp ala. BMTnıñ insan aqları nezaret missiyasınıñ yolbaşçısınıñ muavini Noel Kalgunnıñ qayd etkenine köre, böyle tevqifler vaqtında işğalciler ukrayin ve halqara qanunları yerine Rusiye qanunlarını qullana.
Bundan da ğayrı, Rusiyede, bu añlamnıñ uquq ceetinden tam bir tarifi olmağanına baqmadan, Rusiyede cenkke qarşı laflarnen bağlı laflar aqqında çaqmaq dalğası arta, ve bu ameliyatnıñ esas meydanı işğal etilgen Qırım oldı. Tek küzniñ başında yarımadada "ordunı itibardan tüşürüv" maddesine binaen 1500 protokol tizildi. Ukrayina tış istihbarat hızmeti bunı bildirdi.
Olarnıñ malümatına köre, 2022 senesi kiçik aydan 2025 senesi ilk qış ayına qadar Rusiye mahkemeleri 12 019 memuriy ve 227 cinaiy davanı baqtı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
