Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeriniñ 55 yaşındaki sakini işğalciler tarafından "terroristik areketlerni aqlağanı"nda qanunsız şekilde qabaatlandı. Onı Qara deñiz flotunıñ işğalli "FSB" hadimleri tuttılar. Cinaiy davanıñ sebebi "Qıeım sakininiñ cemaat yerinde yapqan açıq ifadeleri" oldı.
İşğalli Qırım "Tahqiqat eyyeti"niñ Telegram kanalında bu aqqında haber etildi.
"Rusiye Tahqiqat eyyetiniñ Qırım Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerindeki Baş tahqiqat idaresi 55 yaşındaki Feodosiya (Kefe — terciman) sakini ile bağlı cinaiy dava açtı (RF Ceza qanunnamesiniñ 205.2 maddesiniñ 1-inci qısmı). Belli olğanı kibi, adam, cemaat yerinde bulunıp, Feodosiyada (Kefede — terciman) terroristik aktınıñ aqlanuvına qol tutqanını bildirdi. İşbu şahısnıñ cinaiy areketlerini Qara deñiz flotunıñ rusiye FSB hadimleri toqtattılar. Tahqiqat kerekli ekspertizalarnı tayinledi, cinayetniñ sebepleri belgilene", — dep haberde qayd etildi.
RİA "Novosti Krım" saytında derc etilgen videoda işğalli quvetçilerniñ adamnı binada tutqanları ve apiske alğanlarını köstere. Neşirniñ malümatına köre, işğalli uquq qorçalayıcılar USQniñ Feodosiyadaki (Kefedeki) yaqarlıq astyapılarına ücümlerini "terroristik areket" olaraq adlandırdı.
"Prımorskıy (Feodosiya rayonı — muar.) köyüniñ sakini, Feodosiyadaki (Kefedeki — terciman) yaqarlıq-energetika kompleksiniñ obyektlerine raketa ücümlerine dair Ukrayina Silâlı quvetlerine qoltutqanını açıq şekilde bildirdi", — dep Rusiye agentligi qayd etti.
Hatırlatamız ki, keçenlerde Rusiyede 49 yaşındaki Serğiy Tuboltsâ qanunsız sürette mahküm etildi. Yarımadada onı "terrorizmge açıq çağıruvlar"da qabaatladılar. Arbiy mahkeme onı 5,5 yılğa apishanege qapattı. Tahqiqatnıñ malümatına köre, "qarar"nıñ sebebi adamnıñ "Rusiye toprağına ücüm ve ateş açılması" aqqında İnternette yazğan izaatları oldı.
"Tribunal. Qırım epizodı" uquq qorçalayıcı teşebbüsi de, "Irade" teşebbüsiniñ qapalı maruzasına esaslanıp, Rusiye içtimaiy ağlarında işğal etilgen Qırım sakinlerini öz fikirleri içün afu soramağa mecbur etken videolarnıñ sayısı eksildi, dep bildirdi. Aynı zamanda uquq qorçalayıcılar, cinaiy taqiplerniñ artqanını qayd eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
