Rusiyede 49 yaşındaki Sevastopollı (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad lı) Serğiy Tubolstânı qanunsız şekilde mahküm ettiler. Yarımadada onı "terrorizmge açıq çağıruvlarRF CQniñ 205.2-nci maddesiniñ 2-nci qısmı"da qabaatladılar. Arbiy mahkeme onı 5,5 yılğa mahküm etti. Tahqiqatnıñ malümatına köre, "qarar"nıñ sebebi adamnıñ "Rusiye toprağına ücüm ve ateş açılması" aqqında İnternette yazmaları oldı.
Telegramda Rusiyeniñ Cenübiy bölgeniñ arbiy mahkemesi bunı bildirdi.
"2024 senesi ilk küz ayınıñ 4-nde, 2025 senesi kiçik aynıñ 1, 4, 5, 9-ncı künleri, em de 2025 senesi mayısnıñ 6-nda qabaatlanğan adam, Sevastopol (Aqyar — terciman) şeerinde bulunıp, "İnternet" ağındaki açıq olğan gruppalarda Rusiye Federatsiyasınıñ toprağına ücüm ve atışlar şeklinde zararlı areketlerge çağıruvlar olğan metin mesajlarını yerleştirgenini belgilediler", — dep haber berildi.
Rusiye mahkemesiniñ qanunsız qararı esasında 1976 senesi doğğan Serğiy Ğrığorovıç Tuboltsâ umumiy rejimli tüzetüv müstemlekesinde 5 yıl ve 6 ayğa apis cezasına mahküm etildi.
Açıq menbalarda, böyle şahsiy malümatları olğan adam işğal etilgen Sevastopolda (Aqyarda) iş faaliyetinen, hususan qurucılıqnen oğraşqanı aqqında aytıla. 2025 senesi boş ayda onı şahsiy iş adamları cedvelinden çıqardılar.
Hatırlatamız ki, kiçikniñ 25-nde belli oldı ki, işğal etilgen Qırımda Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonınıñ sakini "içtimaiy ağlarda terrorizm ve Rusiyege qarşı raketa ücümlerine çağıruvlar sebebinden" yaqalandı.
Keçken afta devamında Qırımda işğalli mahkemeler üç üküm çıqardı: "nazizmni reabilitatsiya etüv", "inanğanlarnıñ duyğularını aqaretlev" ve "devlet hainligi". Daa eki yerli sakinni "Ukrayina mahsus hızmetlerine malümat bergenleri" ve içtimaiy ağlarda "terrorizmni aqlağan" tefsirleri içün mahkeme etecekler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
