İşğalli Yalta memuriyeti Yaltanıñ tarihiy ve medeniy mirasını yoq ete. Qoruq zonaları ve mimarlıq abideleriniñ yerine Rusiye ziyalıları içün qapalı musafirhane kompleksleri peyda ola.
Milliy muqavemet merkezi bunı bildirdi.
"Bunıñ episi işğalli memuriyetiniñ yolbaşçısı Yanina Pavlenkonıñ reberligi altında keçe. MMMniñ menbalarınıñ malümatına köre, 2025 senesiniñ baarinde Polikurovskiy tepesindeki topraq damartısı "Finist" şirketine açıq avaleler keçirilmeden berildi. Töpe bütünley Qara deñizniñ suv qoruv zonasında ve er angi ticariy qurucılıq yasaq etilgen mahsus mimarlıq-planlama rejiminde yerleşe. 2025 senesiniñ ilk yaz ayından yapılğan videoda Yanina Pavlenko özü, bu yerde kimse ağaçlarnı kesmeycek, dep bildirdi. Amma 2026 senesiniñ yañı videosında ağaçlar kesilgenini ve meydan qurucılıqqa azırlanğanını körmek mümkün", — dep haberde qayd etildi.
Bundan da ğayrı, "Beyaz yaz evi" içün telüke bar: Çehovnıñ ev-müzeyi yanında, medeniy miras obyektiniñ bütünligini telükege oğratqan, yımşaq yamaqta telükeli qazma işleri yapıldı.
Bundan da ğayrı, 2022 senesi mayıs ayında Yaltadaki işğalciler, qoruv statusınıñ berilmesi içün tedbirler yekünlenmesini beklemeden, meşur mimar Nikolay Krasnovnıñ evini yıqtılar.
Qırım.Aqiqat leyhasınıñ jurnalistleri, #LiberateCrimea kampaniyasınıñ faalcisine atfı etip, bildirdi ki, qurucı işğalli Yalta akimiyetinen mimar Krasnovnıñ eviniñ ve "Zorâ" pansionatınıñ toprağında yüksek kompleks qurulmasını razı oldı.
Hatırlatamız ki, işğalli Yalta memuriyeti Qırım "Arbitraj mahkemesi"ne dava açıp yolladı, "Zolotoe Runo", "Argo" ve "Apelsin" olaraq belli olğan sabıq restoran-galeranı yıqtırmağa talap etti. 1999 senesi yalı kenarındaki dalğalar üstünde qurulğan bina, uzun vaqıt devamında şeerniñ simvollarından biri edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
