Sevastopolda balalar içün dronlarnı qullanuv yarışları keçirile — "Sarı Şerit"

İşğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeerinde "İntellekt-Qırım drone ligası"nıñ dörtünci turı olıp keçti. Aman-aman 200 bala iştirak etti. İşğalli akimiyet bu yarışlar balalarnı Rusiye Silâlı quvetleriniñ saflarına celp etmek içün azırlağanını bildire.

Saban ayınıñ 27-nde Facebookta "Sarı şerit" qarşılıq cemaat areketiniñ faalcileri bu aqqında haber ettiler.

"Qırım uçucısız tehnologiyalar institutınıñ müdiriniñ işğalli mesleatçısı İgor Boyko böyle tedbirler iştirakçilerni işğalli orduğa qoşuluvğa azırlamaq maqsadınen yapılğanını açıqtan bildirdi", — dep haberde aytıla.

Faalcilerniñ qayd etkenlerine köre, böyleliknen işğalli Qırım akimiyeti köstere ki, onıñ maqsadı — Rusiye ordusınıñ kelecekteki kadr resursını şekillendirmektir.

Hatırlatamız ki, işğalciler Qırımda student ve mektep talebelerini Ekinci cian cenkiniñ abidelerini temizlemege celp eteler. Saban ayınıñ 21-nden 29-na qadar devam etecek "Ğalebe desantı" teşviqat aktsiyasında 600-den ziyade student iştirak etecek.

İşğal etilgen Qırımda ecnebiy tiller dersleri qısqartıla ve mektep talebeleri Rusiye ordusına qoltutmaq içün celp etile. "Poçuti" cemiyet teşkilâtınıñ malümatına köre, bir çoq mektep talebedi Rusiye arbiy hızmetçileri içün gizleyici ağlarnı örmege mecbur etile. Bazıda bu, teneffüs vaqtında bile ola ya da reytinglerge tesir ete bile.

İlk qış ayında BMTnıñ İnsan aqları monitoring missiyası 2025 senesiniñ ilk yaz-boş ayları arasında Ukrayina işğal etilgen topraqlarında, hususan Qırımda, tasil ve balalarnıñ askeriyleştirilüvini qayd etken esabatını derc etti.

Читати ще