Sabannıñ 9-nda Ukrayina mahsus operatsiyalar quvetleri işğal etilgen Qırımda dört radiolokatsiya stantsiyasını (RLS) urdı: 5N84A "Oborona-14", "Nebo-U" ve eki — Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) rayonınıñ Uyutne köyü yanındaki radioşeffaf qubbedeki RLS. Uydu resimleri, Yevpatoriya (Kezlev) altındaki radioşeffaf qubbelerniñ bozulğanını kösterdi.
Sabannıñ 24-nde Planet Labs tarafından Radio Svoboda — "Shemı" ve "Qırım.Aqiqat" leyhaları tarafından yapılğan uydu resimleri talil etildi.
Jurnalistler sabannıñ 11-nde patlavdan evelki ve ondan soñki yapılğan eki fotoresimni qıyasladılar.
"Oborona-14" — modifikatsiya etilgen sovet radiolokatsiya sistemasıdır, "Nebo-U" ise — Rusiye ordusınıñ eñ zemaneviy ve eñ paalı AMSlarından biridir, fiyatı tahminen 100 million dollar. Qaysı RLS radioşeffaf qubbelerniñ altında gizlengenini ukrayin istihbaratı bilmeli", — dep Qırımdan arbiy mütehassıs, sabıq ukrayin zabiti, yedek podpolkovnigi "Qırım.Aqiqat"qa añlattı.
Hatırlatamız ki, USQniñ MOQ añlattı ki, RLSnıñ radioşeffaf qubbe, antennanıñ yönelişini gizlep, er angi yönelişte aylanmasına imkân bere. Rusiye RLSlarınıñ yoq etilmesi, işğalcilerniñ ava maqsadlarını tapmaq ve yoq etmek qabiliyetini bayağı zayıflata.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
