İşğal etilgen Qırımda Alupka sakinini tuttılar, Rusiye quvetçileri onı Telegram mesajlaşuvında yazğanları içün "terrorizmni aqlağanında" qabaatlay. Onı yedi yılğa qadar azatlıqtan marum qaldıra bileler.
RİA "Novosti Qırım" Rusiye kontrolindeki Qırım ve Aqyardaki (SevastopoldakiRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) FSB idaresiniñ matbuat hızmetine atfı etip bildire.
Rusiye uquq qoruyıcılarınıñ malümatına köre, tutulğan kişi — 1971 senesi doğma aqay. Onı, Rusiye tilşınaslıq ekspertizasınıñ neticelerine köre, "terrorizmni aqlağanını köstergen" tefsirlerniñ derc etilmesi ile qabaatlaylar.
FSBde, aqay "öz şahsiy saifesinden mektüplerni messencerlerden birinde qaldırdı", dep bildirdiler. Bu sebepten oña qarşı Rusiye Federatsiyasınıñ Ceza kodeksiniñ 205.2 maddesine istinaden cinaiy dava açıldı.
Apiske alınğan soñ Rusiye kontrolindeki mahkeme onı tevqif etüv şeklinde sıñırlav tedbirini sayladı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
