Keçken afta (2026 senesi kiçik aynıñ 23-den saban ayınıñ 2-ne qadar) Qırımda yerleşken Rusiye ordusınıñ daa 60 arbiy hızmetçisiniñ elâk olğanı belli oldı. Olarnıñ yarısından çoqusı (37) Ukrayina vatandaşı ola bile.
Saban ayınıñ 2-nci künü Ukrayina prezidentiniñ Qırım Muhtar Cumhuriyetindeki temsilciligi bunı bildirdi.
Temsilcilikniñ malümatına köre, 2026 senesi kiçik aynıñ 23-nde 2717 ve saban ayınıñ 2-nde 2777 adam elâk oldı. Bundan da ğayrı, olardan eñ az 37-si Ukrayina vatandaşı ola bile ( kiçik aynıñ 23-ne qadar 1441 Qırımdan Ukrayina vatandaşı ve saban ayınıñ 2-ne qadar 1478 adam).
"Qırımdan eñ az 125 Rusiye arbiy hzımetçisi esir alındı. Çoqusı — ğaliba, Ukrayina vatandaşlarıdır", — dep temsilcilik qoştı.
Hatırlatamız ki, Ukrayina Mudafaa nazirliginiñ Baş istihbarat idaresiniñ temsilcisi Yevheniy Yerin Suspilne Qırımğa bergen izaatında, işğal etilgen ukrayin topraqlarında eñ inkişaf etken kütleviy askerlikke ağıruv sisteması Qırımda çalışqanını, işğal başlağanından berli eñ az 22 askerlikke çağıruv kampaniyası keçirilgenini bildirdi.
"Er yıl tahminen 5 biñ adam Rusiye Silâlı quvetlerine askerlikke alına. Yani, er bir kampaniya içün tahminen 2,5 biñ asker. Anda çoqtan berli, olarnıñ teşkil etkenleri sözde bu arbiy komissarlıqlar sisteması çalışa, ve olarnıñ bunıñnen meseleleri yoq", — dep o ayttı.
Bİİniñ vekiliniñ aytqanına köre, işğal etilgen topraqlarnıñ sakinleri arasında Rusiye ordusına çağırılğanlarnıñ sayısına köre Qırımlılar lider oldı.
"Qırımda askerlikke alınğanlarnıñ sayısı vaqtınca işğal etilgen diger topraqlarğa baqqanda bayağı büyüktir. Birinciden, Rusiye akimiyeti 2015 senesi Qırımnı Rusiye olaraq tanıdı ve halqara uquqnıñ bütün qaidelerine zıt olaraq anda askerlikke kütleviy çağırmağa başladı. Olar arbiy komissarlıqlar ağını teşkil ettiler, arbiy hızmetke çağıruv çağındaki gençler arasında temel teşkil ettiler. 2014 senesinden berli anda arbiy hızmetke çağıruv esnası devam ete. Em çağıruv, em askerlikke kütleviy çağıruv, em de añlaşma boyunca", — dep o añlattı ve işğal etilgen topraqlarnıñ sakinlerini Rusiye ordusınıñ cinaiy areketlerinde iştirak etmemege yardım etken "Yaşamağa isteyim" ukrayin leyhasından faydalanmağa çağırdı.
Evel "Sarı şerit" areketiniñ iştirakçileri, işğalciler Ukrayinanıñ VİETnıñ sakinlerini Rusiye ordusına alması içün teşviqatnı quvetleştirgenini bildirdiler. Hususan, kampaniyanıñ faalleşüvi aqqında Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Luğansk, Nova Kahovka, Melitopol şeerlerinde haber etile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
