"Sarı Şerit" areketiniñ iştirakçileri, işğalciler Ukrayina VİET sakinlerini Rusiye ordusına alması içün teşviqatnı quvetleştirgenini bildirdiler. Hususan, kampaniyanıñ quvetleştirilüvi aqqında Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Luğansk, Nova Kahovka, Melitopol şeerlerinde haber etile.
"Sarı Şerit" areketiniñ propagandalı bannerleriniñ fotoresimleri Telegramda yerleştirildi.
"Sarı Şerit" areketiniñ faalleri propaganda kampaniyasınıñ quvetleştirilmesini qayd eteler ve Luğansk, Sevastopol (Aqyar), Nova Kahovka ve Melitopolden fotoresimlerni yollaylar", — dep haberde aytıla.
Hatırlatamız, yanvar ayında "Qırım.Realiyi" leyhasınıñ jurnalistlerine Qırım uquq qoruyıcılarından biri, adını bildirmemek şartınen, teşviqat kampaniyasınıñ quvetleştirilüvi aqqında haber etken edi.
Onıñ aytqanına köre, bu, işğal etilgen yarımada içün Rusiye Mudafaa nazirliginiñ muqavele planınıñ yerine ketirilmesiniñ fenalaşuvı ile bağlı.
"Qırımnıñ rusiyeli arbiy komissarlıqlarında olğan menbalarımnıñ malümatına köre, anda añlaşma tizmege istegenlerniñ mevsimlik eksilüvi qayd etile. Şunıñ içün yanvar ayında Qırımnıñ Rusiye akimiyeti tış reklama meydançıqlarını faal qullanmağa başladı, kontraktçılarnı celp etüv ile bağlı bütün reklama kampaniyasını başlattı", — dep aq qorçalayıcı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
