Kiçik aynıñ 28-ne keçer gecesi işğal etilgen Qırımda ve Qara deñizde patlavlar oldı. Uçaqlarnıñ havfsızlıq vastaları 50 uçaqnı urdı: 40 — yarımadanıñ üzerinde ve 10 — Qara deñizniñ üzerinde.
Rusiye Mudafaa nazirligine bu aqqında bildirdiler.
Ücüm aqqında haberler sebebinden Qırım köprü aman-aman eki saat devamında qapalı edi. Bunı köprüdeki vaziyet aqqında operativ malümat Telegram kanalınıñ malümatı köstere.
"Qırım veter" Telegram-kanalı, rusiyeli arbiy-deñiz silâsınıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Zaozernede çalışqanını bildirdi. Novofedorivka şeeriniñ "Saq" ava limanı yanında eki patlav aqqında haber etildi. Aqyarda (Sevastopolda) "Belbek" ava limanı yanında patlavdan soñ ava telükesi ilân etildi. Yerli telekanallar şeerniñ er bir rayonında UUA telükesi aqqında yaza edi.
Hatırlatamız, kiçik aynıñ 26-nda gece Ukrayina mudafaa quvetleri işğal etilgen Qırımda Canköyde P-18 "Terek" radiolokatsiya stantsiyasını ve RSP-6M2 radiolokatsiya sistemasını urdı.
2026 senesi kiçik aynıñ 25-nde gece FVN Mahsus operatsiyalar quvetleriniñ bölükleri vaqtınca işğal etilgen Qırımda Rusiye ava mudafaasınıñ mevzilerine ücüm etti. Ukrayina arbiyleriniñ malümatına köre, S-400 "Triumf" ZRĞK-nı urıp, "Pantsır-S1" ZRGK-ni yoq ettiler.
Bundan ğayrı, kiçik aynıñ 24-nde gece arbiy-deñiz quvetleri vaqtınca işğal etilgen Qırımda Rusiye arbiy obyektlerine ücüm etti. "Pantsır-S1" zırhlı raketa-topan kompleksini ve "Malahit" radiolokatsiya stantsiyasını urdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
