Kiçik aynıñ 19-nda işğal etilgen Qırımda siyasiy mabüslerge mektüp yazma aqşamı olıp keçti. Qadınlar, bugün siyasiy sebeplerden azatlıqtan marum etilgenlerge qoltutuv şiarlarını yazdılar.
"Qırım birdemligi" bunı bildirdi.
Bağçasaray sakinleri, hususan, siyasiy mabüslerniñ anaları ve apayları bu tedbirge qatnadılar.
"Biz olarnı muqaddes Ramazan ayınen hayırladıq. Yüce Yaratıcı olarnıñ orazalarını hafifletirsin, hayırlı işlerni qabul etsin ve adaletsizlikniñ zıncırlarından azat etsin. Biz olarnı pek bekleymiz", — dep Niyara Lümanova ayttı.
Tedbirniñ iştirakçileri qayd ettiler ki, bu kibi aqşamlar — mabüslerge destek köstermek içün bir imkân degil, aynı zamanda birlikni saqlamaq ve olarnı unutmağanlarını hatırlatmaq içün bir yoldır. Er bir mektüp ümüt, işanç ve tezce evge qaytmaqnıñ timsali oldı, dep "Qırım birdemligi" yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
