İşğalli quvetçiler Qırımlı çiftni "Ukrayina havfsızlıq hızmetinde çalışqanı"nda qabaatladılar. Rusiye vatandaşı olğan adamnı "devlet hainligi" içün, onıñ ömür arqadaşı olğan Ukrayina vatandaşını ise "casuslıq" içün qanunsız sürette mahkeme etecekler.
İşğalli Qırım "prokurorlığı" bunı bildirdi.
"Qabaatlanğan, "SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir."nıñ keçirilmesine qarşı olıp, 2024 senesi Ukrayina Havfsızlıq hızmetiniñ vekilinen bağ tuttı, oña Rusiyege qarşı faaliyetinde çetel istihbaratına yardım etmege azır olğanını bildirdi. O, kuratordan Yalta sıñırlarında yerleşken silâ ve arbiy tehnika aqqında malümat bermek vazifesini aldı. Bu qanunsız areketlerge adam ömür arqadaşını celp etti", — dep haberde qayd etildi.
İşğalli FSBniñ versiyasına köre, qadın "Rusiye arbiy gemilerini videoğa çıqardı", aqayı ise "Rusiye ordusınıñ arbiy tehnikalarını fotoğa çıqardı".
"Bu adam bütün malümatnı çetel devletiniñ temsilcisine messencerlerden birinde yolladı. Cinaiy dava Qırım Cumhuriyeti Yuqarı mahkemesine yollanılacaq", — dep işğalli prokurorlıq bildirdi.
İşğalciler qanunsız apiske alınğanlarnıñ şahsiy malümatlarını bermeyler.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
