İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvzayev kiçik aynıñ 16-nda aqşam Orlivka ve Hersones burnu yanında beş ava maqsadınıñ urulğanını bildirdi.
O, Telegramda bunı yazdı.
"Sevastopolda arbiy hızmetçiler USQniñ ücümini toqtatalar, AMS çalışa. Orlivka ve Hersones burnu rayonında deñiz üzerinde 5 ava maqsadı endi tüşürildi", — dep Razvojayev yazdı.
Şeerde eki kere telüke ilân etilgen edi — Kıyiv vaqtına köre 17:27-18:03 arasında. Tekrar — saat 18:21-de.
Bundan ğayrı, "Qırım yeli" Telegram kanalı işğal etilgen Keriçte telüke signalı bar olğanını bildirdi.
"Keriçte cenk vaqtında ilk sefer ava telükesi duyula, dep abuneciler bildirdile. Keriç köprüni kene qapattılar", — dep haberde yazıldı.
Telekanal abunecileri Keriç ve Alupka civarındaki patlavlar aqqında da bildirdiler.
Hatırlatamız ki, kiçik aynıñ 15-ne keçer gecesi Ukrayina mudafaa quvetleri işğal etilgen Qırımda "Pantsir-S1" raketa-top kompleksini urdı. USQniñ Baş ştabı bu aqqında haber etti.
Bundan da ğayrı, kiçik aynıñ 16-nda Baş istihbarat idaresi keçken afta Qırımdaki ücümler videosını derc etti. Ukrayina Mudafaa nazirliginiñ Bİİniñ "Prımarı" mahsus bölüginiñ mütehassısları zenit raketa-top kompleksini urdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
