"Ateş" arbiy-partizan areketiniñ vekilcileri, işğal etilgen Qırımda, Novostepoveden şimalde, Canköy civarındaki tamir bazasında Rusiye ordusınıñ faalligini qayd ettiler. Partizan istihbaratınıñ malümatına köre, işğalciler bu logistika ve tamir merkezini ava mudafaası (AVS) ve radioelektronik küreş (REB) qoşma obyektleri vastasınen quvetleştirdiler.
"Ateş" arbiy-partizan areketi Telegramda bunı bildirdi.
"Bizim areketimizniñ agentleri Qırımdaki arbiy obyektlerni nezaret etmege devam eteler. Rusiye Silâlı quvetleriniñ tamir meydançığınıñ Novostepoveden şimalde nezareti vaqtında duşman quvetleriniñ şimdiki köstergiçleri belgilendi. Şimdi obyektte bir qaç yüz arbiy tehnika tura. Lager logistika ve tamir merkezi olaraq faal çalışa. Tehnikanıñ miqdarı deñişe, amma yüksek seviyede qala", — dep haberde qayd etildi.
Qoruv vastalarınıñ yerleştirilüvi ve tehnikanıñ toplanuvı aqqında bütün malümat Ukrayina Mudafaa quvetlerine berildi, dep "Ateş" qoştı.
"Ava ücümlerinden qorçalamaq içün işğalciler lagerge qoşma ava mudafaası quvetleri (AMS) ve radioelektronik küreş vastalarını (REB) topladılar. Duşman bu obyektniñ birinci maqsat olğanını añlay. Koordinatlar: 45.677924, 34.387338", — dep "Ateş" bildirdi.
Bundan evel "Ateş" arbiy-partizan areketi, işğal etilgen Qırımda Rusiye Federatsiyasınıñ komandanlığı yarımadada arbiy obyektlerni qorumaq içün elit bölüklerni cebeden çıqarmağa mecbur olğanını bildirdi.
Bundan ğayrı, areket partizanları işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki FSB radioelektron istihbarat noqtasını teşkerdiler. Rusiye quvetçileri yarımadada ukrayin qarşılıq iştirakçilerini tapmaq maqsadınen radio yayınını kontrol etmek ve signallarnı yaqalamaq içün bu mahsus obyektni qullanalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
