"Ateş" arbiy-partizan areketi bildirdi ki, işğal etilgen Qırımda Rusiye Federatsiyasınıñ komandanlığı yarımadadaki arbiy obyektlerni qorumaq içün elit bölüklerni cebeden çıqarmağa mecbur oldı.
Areket Telegramda bunı bildirdi.
"18-inci zenit raketa polkunıñ "Ateş" agentleri bildireler ki, yarımadağa Rusiye Federatsiyası Silâlı quvetleriniñ 106-ncı ava-desant diviziyasınıñ "Espanyola" ve "Ogidna 8" brigadasından "İrlandiyalılar" bölükleri keldi. Berilgen malümatqa köre, bu tecribeli bölüklerniñ ayrı gruppaları yarımadağa "ateş taqımı" olaraq, Qırımnıñ ukrayin UUAlerinden ava mudafaasını quvetleştirmek içün yol aldılar. Bundan da ğayrı, olar öz arbiy tecribesini Ukrayina Mudafaa quvetleriniñ dronlarına qarşılıq köstermek içün uzun vaqıt devamında muvafaqiyetsiz areket etken diger bölüklerge bermek kerekler", — dep haberde qayd etildi.
Faalcilerniñ aytqanlarına köre, bu, Rusiyeniñ arbiy obyektlerge muvafaqiyetli etilgen ücümlerni köstere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
