"Açuvlı Mavka" qarşılıq qadın areketiniñ faalcileri ukrayinlerni kiçik aynıñ 14-nci künü qayd etilgen Sevgililer künü ile hayırladılar. Olar işğal etilgen Qırımdaki Keriçte ve Zaporijjâ vilâyetiniñ VİETdaki Melitopolda ukrayin tarafdarları "sevgililer künü" resimleri ve levhalarnı yerleştirdiler.
Areketniñ Telegram kanalında bu aqqında haber etile.
"Er şey qolay — bizler Ukrayinağa aşıqmız. Halqımıznıñ cesareti ve azatlığı içün. Ve bundan soñra iç bir romantika yoq. Şevçenko zamanında da öyle edi, şimdi de öyle", — dep faalciler yazdı.
Olar tarqatqan levhalar şöyle imzalandı: "Qara qaşlı qızlar sevişiñiz, amma moskvalılarnen degil", "Ukrayin olğanımdan ğururlanam. USQni bekleymiz", "Ukrayinağa aşığım".
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
