Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı, bundan evel Kıyivde tutulğan Ukrayina vatandaşı, Yaltadaki mektepniñ "müdiri"ne qarşı qabaatlav aktını mahkemege yolladı. Onı duşmannen işbirlik yapqanında, hususan işğal etilgen Qırımda tasil müessiselerinde istilâcı devletniñ tasilUkrayina CQniñ 111-1-nci maddesiniñ 3-nci qısmı standartlarını kirsetkeninde qabaatlaylar. Şu anda qadın apiste tutula.
Kiçik aynıñ 13-nde Qırım MC prokurorlığı Facebook saifesinde bu aqqında haber etti.
Tahqiqatnıñ malümatına köre, o, işğalcilerniñ "tasil" sistemasında çoq vaqıt çalıştı, 2023 senesi ise Yalta mektebiniñ "müdiri" olmağa razı oldı. Qadın Rusiye Federatsiyasınıñ talaplarına köre vesiqalarnı tasdıqlay ve talebelerni teşviqiy tedbirlerge celp ete edi.
Qabaatlanğan şahıs apis cezasını alacaq. Oña üç yılğa qadar apis cezası berile bilir.
Prokurorlıq qabaatlanğannıñ adını aytmadı, lâkin Suspilne Qırımnıñ haberdar olğan menbaları, adlarını bildirmemek şartınen, söz Svitlana Turlakova aqqında ketkenini bildirdi.
Hatırlatamız ki, müdirni soy-soplarında yaşağanı Kuyivde tutıp aldılar, anda.
"Dava malümatına köre, duşmannen işbirlikçi 2014 senesi Ukrayina yarımadası zapt etilgen soñ duşmannen işbirlikke kirdi. O vaqıt qadın Yaltadaki umumtasil tasil müessiselerinden biriniñ müdiri edi ve aman-aman birden r*şistlerni destekledi. İşğalciler oña yerli mektepni idare etmege avale ettiler. O, tasil esnasını Kremlniñ "standartları"ne köre "deñiştirmek" kerek edi", — dep haberde qayd etildi.
QMC prokurorlığı bildirdi ki, 2025 senesi ilk qış ayınıñ soñunda o, Ukrayina kontrolindeki topraqqa kelip çıqtı, anda onı tapıp, Kıyivde kirağa alğan dairede tuttılar. Tintüv vaqtında Rusiye pasportı ve işğalcilernen işbirligini isbatlağan tehnika alındı.
Hatırlatamız ki, 2025 senesi ilk qış ayında BMTnıñ İnsan aqları monitoring missiyası 2025 senesi ilk yaz-boş ayları arasında Ukrayina işğal etilgen topraqlarında, hususan Qırımda, tasil ve balalarnıñ askeriyleştirilüvini qayd etken esabatını derc etti.
Aynı seneniñ ilk küz ayında Qırım reintegratsiyası birleşmesi bildirdi ki, Qırımda işğalciler tasil saasında nezaretini quvetleştirmege tırışalar — mekteplerde ingliz tili dersleriniñ sayısını eksilteler, bunıñ yerine beşinci sınıftan başlap "ruhiy-ahlâqiy medeniyet" fenini ve ihtisas idare etüv derslerini kirseteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
