İşğal etilgen Qırımnıñ Foros şeeriniñ 61 yaşındaki sakini "internette aşırıcı faaliyetke halq ögünde çağıruvlar"da qabaatlanıp, oña qarşı cinaiy dava açıldı.
RİA "Novosti Krıma", FSBniñ işğalli idaresine atıf etip, bu aqqında haber berdi.
Quvetçilerniñ malümatına köre, Forostaki garaj-qurucılıq birliginiñ qaravulı olıp çalışqan 61 yaşındaki adam "ukrayin messenceriniñ çatında ruslarğa qarşı zorbalıq çağıruvlarnen yazılarnen paylaşa edi".
Bu sebepten "internet ağı vastasınen halq ögünde aşırıcı faaliyetni etmek çağıruvları" aqqında maddege binaen oña qarşı cinaiy dava açıldı. Adam beş yılğa mahküm etile bilir.
Neşirniñ bildirgenine köre, adamğa çıqış yasağı ve uyğun olmağan tabiat aqqında name olaraq qorçalayıcı tedbir saylandı.
Hatırlatamız ki, işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) "İnternette zorbalıqqa çağıruvlar" sebebinden 31 yaşındaki yerli sakinge qarşı cinaiy dava açıldı. Adam 5 yılğa mahküm etile bilir.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
