İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) 31 yaşındaki yerli sakin "İnternette zorbalıqqa çağıruvlar"da qabaatlanıp, oña qarşı cinaiy dava açıldı. Adam 5 yılğa mahküm etile bilir.
FSBniñ Qırım ve Sevastopol şeerindeki matbuat hızmetine atıf etip, RİA ''Novosti Krım'' bu aqqında haber berdi.
Müessiseniñ malümatına köre, "adam Telegram cemiyetlerinden birinde tefsirler qaldırdı", olarnıñ esaplarına köre, tefsirlerde "Rusiye vatandaşlarına qarşı zorbalıq areketlerine çağıruvlar bar edi".
FSBbildirdi ki, keçirilgen til ekspertizası "cinayet alâmetlerini tasdıqladı", içtimaiy ağda saifeniñ qullanuvı ise, müellifke mesüliyetten qaçmağa imkân bermedi.
Onı "İnternet vastasınen aşırıcı faaliyetke çağıruvlar"da qabaatlaylar. Bu madde boyunca eñ büyük ceza beş yıllıq apis cezasını belgiley.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
