İşğalcli "Qırım Yuqarı mahkemesi"nde Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini Taras Hudak qanunsız şekilde 18 yıllıq apis cezasına mahküm etildi. İşğalciler onı "devlet hainligi"nde — "Qırımdan Ukrayina istihbaratına malümat bergeni"nde qabaatladılar. Uquq qorçalayıcılar, ukrayinalı 2025 senesi çiçek ayından başlap hırsızlanğanını ve inkommunikado statusında tutulğanını qayd eteler, onıñ İvano-Frankivsk vilâyetinden olması ve onıñ qardaşınıñ USQniñ arbiy hızmetçisi olması mahsus hızmetlerniñ diqqatını celp etti.
"Tribunal. Qırım epizodı" uquq qorçalayıcı teşebbüs bu aqqında haber berdi.
Daa evel işğalli mahkemeniñ qanunsız ükmü aqqında "Qırım prokurorlığı" haber etti. İşğalli tahqiqatçılar "mahkemeci"ni emin etti ki, o, "2024 senesi ilk qış ayından 2025 senesi çiçek ayına qadar Feodosiyada (Kefede — terciman) ava mudafaasınıñ yerleşüv yerlerini fotoğa çeke ve toplanğan malümatnı Ukratina Baş istihbarat idaresiniñ vekillerine bere edi".
Amma uquq qorçalayıcılar işğal etilgen Qırımda qanunsız mahkeme esnasınıñ bazı hususiyetlerine diqqat ayıralar. 36 yaşındaki Taras Hudaknıñ taqdiri 2025 senesi çiçek ayından ilk küz ayına qadar belli degil edi.
"Teşviqatçılar, onıñ aslı (o, İvano-Frankivsk vilâyetinden keldi — muar.) ve apiske alınğan kişiniñ qardaşı Ukrayina Silâlı quvetlerinde cenkleşkeni, onıñ apiske alınmasınıñ sebebi olğanını artıq gizlemeyler. Ekinci hususiyeti — Taras 2025 senesi çiçek ayınıñ ortasında hırsızlandı ve ilk küz ayına qadar inkomunikadoTutulğan şahısnıñ (asker ya da vatandaş) tış dünyadan tam izolâtsiyada tutulması: yazışmaq, körüşmek, telefon etmek aqqı yoq, sıq-sıq ise — tuvğanlarına bulunğan yeri aqqında haber etilmey, bu halqara uquqnıñ bozuluvıdır statusında — qabaatlavlarsız ve yaqınlarınen bağsız, kommunikatsiyasız tutuldı. 2025 senesi ilk küz ayınıñ 10-nda FSBniñ matbuat hızmeti onı yaqalağanı ve casuslıq faaliyetinde qabaatlağanı aqqında resmen bildirdi", — dep uquq qorçalayıcı teşebbüs qayd etti.
"Tribunal. Qırım epizodı" teşebbüsi, işğalcilerniñ cenk cinayeti yapqanlarına diqqat celp ete.
"Halqara uquq insan hırsızlavını açıqtan-açıq cenk cinayetleri olaraq tanıy. İnsanlarnı apis etilgen Qırım sakinleriniñ aytqanları kibi tam izolâtsiya şaraitinde tutmaq, insaniyetsizlikke ve cenk cinayetine teñ kele. Hırsızlanğan soñ qapalı mahkeme cenk cinayeti alâmetlerini taşıy bilir. Mahkemeci Viktor Sklârov ve bu cinayetlerniñ diger teşkilâtçıları, icracıları ve yardımcıları halqara mahkemede mesüliyetke çekilecek", — dep teşebbüs qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
