İşğalciler Qırım sakinini devlet hainligiRF CQniñ 265-nci maddesinde qabaatlap, sert rejimli müstemlekede 18 yıllıq, 1 yıl ve sekiz ayğa azatlıqtan marum etüv cezasına mahküm ettiler.
İşğalli Qırım prokurorlığınıñ beyanatında bu aqqında aytıla.
"Mahkeme isbatladı ki, bölgeniñ sakini, "mahsus arbiy ameliyat"nıñ keçirilmesine qarşı olıp, 2024 senesi ilk qış ayından 2025 senesi çiçek ayına qadar Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeerinde ava mudafaası vastalarınıñ yerleştirilüv yerlerini fotoğa çekti", — dep haberde qayd etildi.
Rusiye kontrolindeki tahqiqatnıñ versiyasına köre, o, toplanğan malümatnı Ukrayina Baş istihbarat idaresiniñ vekillerine bere edi. Bİİ bu haberni izaatlamadı.
Hatırlatamız ki, Ukrayina prezidentiniñ Qırımdaki temsilciliginiñ malümatına köre, yarımadada siyasiy sebepten açılğan cinaiy davalarnıñ aman-aman 88%-i apis cezasınen yekünlene.
Temsilcilikniñ malümatına köre, 2025 senesiniñ IV kvartalında işğal etilgen Qırım ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) siyasiy repressiyalar Rusiye ortalama köstergiçlerinden aman-aman 4,9 qat ziyade oldı. Teñeştirmek içün, 2024 senesi bu farq 2,8 qat edi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
