Rusiye mahsus hızmetleri vatandaşlarnı, şu cümleden Ukrayinanıñ VİET da, maliyeviy buhran, manipulâtsiya ve ruhiy basqı qullanıp, diversiya ve malümat toplamağa celp etmege tırışa. Arbiyler ve olarnıñ soy-sopları, kritik infrastruktura hadimleri, studentler ve gençler, memleket içinde köçken şahıslar ve içtimaiy ağlarnıñ faal qullanıcıları telüke altında bulunalar.
Suspilne Qırım Milliy qarşılıq Merkezi ile beraberlikte, professional çağıruvcı yazğanını añlamaq ve bu vaziyetten aqibetsiz çıqmaq içün tafsilâtlı talimat azırladı.
İnsanlarnı celp etmek içün esas tesir aletleri — para, mefküre, mecburiyet ve maqsatlarnıñ qullanılmasıdır. Rekrut etüvniñ alâmetleri arasında "açıq aylıq" teklifleri, qapalı messencerlerge keçüv talapları, obyektlerni fotoğa çeküv ya da etiketlev vazifeleri ve gizlilikke diqqat ayırılması ola bile.
Rusiyeliler sıq-sıq "tahqiqat jurnalistikası", "gönüllü faaliyet", "telükesizlik teşkerüvi" ya da "detektivke yardım etüv" aqqında efsanelerni qullanalar.
Mütehassıslar, iç bir vazife yerine ketirmege, para almağa ve cinayetçini öz başına tapmağa tırışmamağa tevsiye eteler. Aksine, tınçlıq saqlamaq, delillerni (süretüv fotoresimleri, bağlar, nomeralar) qayd etmek, kommunikatsiyanı toqtatmaq ve malümatnı Ukrayina havfsızlıq hızmetine bermek kerek.
Bundan evel UHH Suspilne Sumğa bergen izaatında bildirgeni kibi, Sumskinde açılğan aman-aman yüz insandan çoqusı içtimaiy ağlarda Rusiyege qoltutqan faaliyeti sebebinden Rusiye mahsus hızmetleriniñ közüne tüşti. Terakt ve diversiyalarda iştirak etken insanlarnıñ 25%-dan ziyadesi — Rusiyeniñ Telegram vastasınen işbirligine celp etken gençler.
2023 senesinden başlap, Rusiyeniñ "Diversion gürültü" planı işke tüşürilgen soñ, Ukrayinada 1 400-den ziyade diversion-terroristik adisesi qayd etildi, olardan 800-den ziyadesi — 2025 senesi.
Amma cinayetlerniñ çoqusı azırlav basamağında blok etile bile. İnsannı celp etmege tırışsalar, uquq qoruyıcılarğa muracaat etmek kerektir — Telegramda "FSBşnikni yaktı" chat-botı, UHH-nıñ telefon hattı, UHH-nıñ vilâyet idaresi ya da 102 nomerası vastasınen.
2025 senesi boş ayda Ukrayina prezidentiniñ QMC temsilciligi bildirdi ki, Qırımda işğalciler reklama kampaniyaları yerine, potentsial askerlernen şahsiy alâqa qurmağa tırışalar — Rusiye ordusına askerlikke, hususan, risalelerni tarqatqan risale taşıyıcıları celp etile. Bundan da ğayrı, Rusiyeniñ Moskvadaki "cigericileri" yarımadada hızmet etmege istegenlerni qıdıralar, yerli "akimiyet organları" vade etkeninden daa yüksek maaş teklif eteler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
