Rusiyede qorçalav territoriyasından bölüklerniñ arbiyler içün ayırılmasını ve "federal ve regional emiyeti olğan obyektlerniñ" yerleştirilmesini qolaylaştırmaq içün qanun deñişmeleri azırlanıla, hususan, Qırımda.
Qırımnıñ reintegratsiya birligi bu aqqında bildire.
"Kremlniñ azırlağan "federal qanun leyhalarınıñ yañılıqlarından" körüne ki, yaqın vaqıtta em "mudaafa ve telükesizlik maqsadları" içün, em de "federal ve regional emiyeti olğan obyektlerniñ yerleştirilüvi" içün, em de "tabiiy tabiatnıñ fevqulâde vaziyetleri" neticesinde "tabiiy tabiatnıñ ğayrıdan tiklenilmez ğayıp oluvı" sebebinden "yerlerni" "hususan qorçalanğan tabiat territoriyalarından" çıqarmaq "büyük derecede qolaylaştırılacaq", — beyanatta yaza.
Qırım reintegratsiyası birleşmesinde qayd etkenlerine köre, yanğınlardan soñ bile qoruv bölüginde topraqnı ayırıp almaq mümkün olacaq.
"Qırım ya da Aqyar (SevastopolRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gaulaytleri Qırım qoruqlarından qurucılıq ya da diger buña oşağan qabarcılıq-kommersiya ihtiyacları içün "sadeleştirilgen shemalar boyunca" topraqlarnı çıqarıp olacaqtır — tek "arbiy ihtiyacları" ya da "federal leyha" ile degil, aynı zamanda yarımadanıñ tabiat abideleriniñ qalımtılarında tezden artacaq miqyaslı "tabiiy" yanğınlardan soñ da", — dep ARC yaza.
Hatırlatamız, Aqyarnıñ (Sevastopolnıñ) işğalci akimiyeti Osıpenko köyü civarındaki aman-aman 176 gektar köy hocalığı toprağınıñ bağcılarğa berilgen kira aqqını red etmege tırışa.
Qırım reintegratsiyası birliginiñ qayd etkenine köre, söz Rusiye kontrolindeki şeer memuriyeti Ukrayinağa qarşı cenkte iştirak etken arbiylerge bermege planlaştırğan topraqlar aqqında kete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
