Rusiye quvetçileri, işğal etilgen Qırımda 2024-2025 seneleri devamında "diversiya yapqan" eki Rusiye vatandaşını yaqalağanını bildirdi. İşğalciler olarnı "Ukrayina mahsus hızmetlerinen işbirlik ve terrorizm"de qabaatlaylar. Olarnı eki ayğa işğalli "mahkeme"niñ qararınen apiske aldılar.
İşğalli "FSB"ge atfı etip, RİA "Novosti Krım" bunı bildirdi.
"Rusiye Federal havfsızlıq hızmeti, Qırım Cumhuriyetinde Ukrayina mahsus hızmetleriniñ talimatınen 2024 ve 2025 seneleri bir sıra diversiya-terroristik areketlerini yapqan 1995 senesi doğğan eki Rusiye vatandaşını tuttı", — dep haberde qayd etildi.
İşğalcilerniñ malümatına köre, yaqalanğanlar "Qırımda Mudafaa nazirliginiñ obyektleri, kritik astyapı, arbiy tehnika kolonnasınıñ areketleri, arbiy silâlı quvetlerniñ raketa ücümleriniñ neticeleri aqqında malümat toplay ve yollay ediler".
İşğalciler olarnı "Qırım demir yolu"nıñ reley dolabını ve "Ukrayina mahsus hızmetleriniñ emiri"nen Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonlarında yerleşken cep telefonı baza stantsiyalarınıñ donatmalarını yaqqanlarında qabaatlaylar. Olarnı terrorizmde qabaatladılar.
Ukrayina tarafı bu malümatnı izaatlamadı.
TASS Rusiye devlet agentliginiñ matbuat hızmeti tarafından tutulğanlarnıñ fotoresimleri ve "itirafları" videosı derc etildi.
Hatırlatamız ki, Ukrayina havfsızlıq ve işbirlik merkeziniñ reisi Serğiy Kuzan, Qırım içtimaiy ağına bergen izaatında, yarımadada ruslar Ukrayina mudafaa quvetlerine Qırımğa ücüm etmege yardım etkenlerni tapmaq içün qıdıruv tedbirlerini quvetleştirgenini añlattı. Bunıñ içün Rusiye ordu komandanlığı ücüm çizgisinden "Espanyola" bölüklerini avuştırdı.
"Ruslar kerçekten de, ve sebepsiz degil de, Qırımda yalıñız muhbirlerniñ degil de, bizim hızmetlerimizniñ, mahsus operatsiyalar quvetlerimizniñ, Bİİ, UHH, logistika temin etken, yol köstergen, idare etüvde, koordinatlarda, malümat berüvde yardım etken obyektlerni qıdırğan agentlerniñ sayısı bayağı büyük olğanını tüşüneler. Bunıñ içün bizler Qırımdaki er angi obyektlerge daa keyfiyetli ücümler yapa bilemiz, olar evelden pek qorçalanğan körüne edi. Ruslar çaqıcılarnıñ olğanını añlaylar, ve Qırımdaki farqlı obyektlerge dron ve raketalarımıznıñ doğru kelip tüşmesini temin etken bir çoq adam bar. Bunı yapmaq içün olar eñ az bir aftadan berli yol beklevlerini quvetleştireler", — dep Kuzan ayttı.
Şimdi ise ruslar yol qamaçavlarını quvetleştireler. Meselâ, qara qış ayınıñ 20-nde işğalli polis Simferopolnıñ (Aqmescitniñ) tögerek yollarında vatandaş maşinalarını tintti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
