"Ateş" arbiy-partizan areketi bildirdi ki, işğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) işğalciler "çaqçıÇaqçı — akimiyet, reberlik ya da diger organlarğa, adetince olarnı cezalamaq ya da öz faydasını qazanmaq maqsadınen, başqa insanlarnıñ areketleri aqqında malümatnı gizliden bildirgen bir insandırlar"nı qıdıruvnı quvetleştirdiler. Areketniñ iştirakçileriniñ malümatına köre, qara qış ayınıñ 20-nde işğalli polis şeerniñ tögerek yollarını tintti.
Areket Telegramda bunı bildirdi.
"Arbiy hızmetçiler ve polis hadimleri yollarnı bütünley baqıp çıqtılar. Arbiy tehnikanıñ büyük köçüvi, hususan Rosgvardiya kolonnası qayd etildi. Ava içinde duşman vertolötları qayd etildi. Olarnıñ anomal ve qorquzuvlı areketleri, Ukrayina Mudafaa quvetleriniñ Qırımdaki arbiy obyektlerge muvafaqiyetli ücümlerinen bağlı ola bile", — dep haberde bildirildi.
Hatırlatamız ki, qara qış ayınıñ 17-nde Ukrayina mudafaa quvetleri Rusiye Federatsiyasınıñ vaqtınca işğal etilgen Qırımdaki ve Donetskteki arbiy obyektlerine ücüm etti. Rusiye Federatsiyası ava mudafaasınıñ vastaları, em de uçucısız uçaq aletlerini saqlav ve azırlav anbarı uruldı.
USQniñ Baş ştabı bu aqqında haber etti. Şu cümleden, vaqtınca işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında "Nebo-U" radiolokatsiya stantsiyasına ve Hutorka rayonında "Pantsir-S1" zıddiyet raketa-top kompleksine ücüm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
