Eki işğalli Qırım uquq qorçalayıcısı devlet hainligi ve duşmannen işbirlik yapqanı sebebinden mahkeme etilecek. Prokurorlıq mahkemege qabaatlayıcı vesiqalarnı yolladı. Olar 15 yılğa qadar apis cezasını ala bileler.
QMC prokurorlığı bunı bildirdi.
"Taqiqat, yarımada işğal etilgen soñ, İçki işler nazirliginiñ Pridniprovska demir yolundaki idaresiniñ Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) stantsiyasınıñ hat bölüginiñ ve İçki işler nazirliginiñ Qırım MCdeki Baş idaresiniñ Saq rayon bölüginiñ cinaiy taqiqat hadimleri antnı bozıp, işğalli uquq qorçalayıcı organlarına keçkenlerini belgiledi", — dep haberde qayd etildi.
Olardan biri 2014 senesinden başlap Rusiye İçki işler nazirliginiñ Sevastopol (Aqyar) şeerindeki İdaresiniñ cinaiy taqiqat bölüginde hızmet etken edi, dep prokurorlıq yazdı. Bundan soñ Rusiye İçki işler nazirliginiñ Nahimov rayonındaki bölüginde çeşit vazifelerde bulundı. 2024 senesi boş ayda o, Rusiye İçki işler nazirliginiñ Sevastopolnıñ (Aqyarnıñ) Balıqlava rayonındaki bölüginiñ yolbaşçısı oldı.
"Diger uquq qorçalayıcı cinaiy taqiqat bölüginde çalıştı, soñ Rusiye İçki işler nazirliginiñ işğalli "Saq" şeerlerara bölüginiñ içki işler bölüginiñ polis yolbaşçısı oldı. 2024 senesinden başlap o, Rusiye İçki işler nazirliginiñ Feodosiyadaki (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — tercman) (Kirov rayonındaki) bölügini, 2025 senesi çiçek ayından ise Aluşta şeerindeki bölügini idare etmek teklifine razı oldı", — dep prokurorlıq yazdı.
Suspilne Qırımnıñ menbaları, söz Lukyançuk A.V. ve Posidaylo O.V. aqqında ketkenini anonim şartınen bildirdi.
UHHniñ Qırım Muhtar Cumhuriyetindeki Baş idaresi mahkemeden evelki mahsus taqiqatlarnı keçirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
