"Sarı şerit" cemaat areketiniñ iştirakçileri işğal etilgen Qırımnıñ dört şeerinde: Yalta, Aluşta, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) yañı ukrayin tarafdarı aktsiyasını keçirdiler.
Qara qış ayınıñ 12-nde areket Telegram kanalında bunı bildirdi.
"Qarşılıq timsalleri yollarda, parklarda ve Qırım dağlarınıñ eñ yüksek noqtalarında peyda ola. Küçümiz birligimizde olğanı aqqında küçük bir yazı, duşmannıñ bütün teşviqatından daa küçlüdir", — dep haberde qayd etildi.
Bundan evel "Sarı şerit" areketiniñ iştirakçileri vaqtınca işğal etilgen topraqlardan, hususan Qırım ve Ukrayinanıñ cenübinde yaşağan ukrayinlerni Yañı yılnen hayırladılar.
"Yañı yılda tilegimiz sade ve tektir — işğalden azat olmaq. Biz toqtamaymız ve Ukrayinanıñ ğalebesini yaqınlaştırmaq içün er şeyni yapmağa devam etemiz", — dep faalciler qayd ettiler.
Bundan evel areket işğal etilgen topraqlarda, hususan, Qırımda, Milât bayramı aktsiyasını teşkil etti. İnternette areket iştirakçileriniñ bayramnı nasıl qayd etkenlerini köstergen fotoresimler derc etildi: vışıvanka kiydiler, ananeviy 12 yemek pişirdiler, narat qoydılar ve olarnı ukrayin timsallerinen yaraştırdılar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
