"Sarı şerit" areketi Milât bayramına aktsiyanı işğal etilgen topraqlarda, hususan, Qırımda teşkil etti. İnternette areket iştirakçileriniñ bayramlarını qayd etken fotoresimlerni derc ettiler: vışıvanka kiydiler, ananeviy 12 yemek pişirdiler, narat qoydılar ve olarnı ukrayin timsallerinen yaraştırdılar.
Areket fotoresimlerni Telegramğa yayınladı.
"Biz, "Sarı şerit" areketiniñ faalcileri Milât bayramını nasıl qayd etkenlerini köstermege isteymiz — vışıvanka kiydiler, ananeviy 12 yemek pişirdiler, narat qoydılar ve işğalcilerniñ yoq etmege tırışqanlarını saqlap qalmaq içün olarnı ukrayin timsallerinen yaraştırdılar. Bayram sofralarında eñ samimiy tileklerni bildireler — azatlıq, Ukrayina ğalebesi ve yaqınları içün sağlıq", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
