İşğal etilgen Qırımda qara qış ayınıñ 12-de gece "Belbek" ava limanı civarında patlavlar oldı, em de Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi ilân etildi. RF Mudafaa nazirligi, yarımada ve Qara deñiz üzerinde Rusiye ava mudafaası tarafından ekişer dron tüşürilgenini bildirdi.
Qara qış ayınıñ 12-nde Rusiye mudafaa nazirligi Telegram kanalında bunı bildirdi.
Olarnıñ malümatına köre, umumen Rusiye toprağında, Qara deñizde ve işğal etilgen Qırımda bir gecede 13 uçucısız uçaq aleti urulğan.
Şaatlarnıñ aytqanlarına köre, tahminen saat 02:00-de "Belbek" ava limanı yanında "quvetli patlavlar" eşitildi, soñra qırmızı ışıq peyda oldı.
Aynı vaqıtta saat 01:59-02:56 arasında işğal etilgen Sevastopolda (Aqyarda) ava telükesi ilân etildi.
"Keçken aqşam ve gece USQ eki kere Sevastopolğa ücüm etmege tırıştı. Umumen, AMS quvetleri ve Qara deñiz flotunıñ quvetleri 4 UUAni urıp tüşürdi", — dep şeer "gubernatorı" Mihail Razvojayev bildirdi.
Bundan da ğayrı, o, Balıqlavağa urulğan dronlarnıñ parçaları tüşkenini ve evlerne ve bir qaç maşnanıñ pencerelerine zarar ketirgenini bildirdi.
Evel Ukrayina mudafaa quvetleri qara qış ayınıñ 8-ne keçer gecesi işğal etilgen Qırımda "Ğvardiyske" neft bazasınıñ tolduruv estakadasında yaqarlıq taşıyıcı anbarına ücüm etti.
Qara qış ayınıñ 7-nde, Rusiye ve Ukrayinanıñ işğal etilgen topraqlarında yañı ketirilgen zarar aqqında bildirildi. Hususan, işğal etilgen Qırımnıñ Mijğirya (BaqsanRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mesken yerinde top silâsınıñ terkibine uçucısız uçaq aletleri ücüm etti.
Bundan evel Ukrayina Mudafaa nazirliginiñ Baş idaresi işğal etilgen Qırımda 2025 senesi Rusiye silâlı quvetleri, aviatsiya, flot ve diger obyektlerniñ yoq etilmesiniñ "tarihiy kadrları"nı kösterdi. Bu operatsiyalarnı Bİİniñ "Prımarı" mahsus bölüginiñ askerleri kerçekleştirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
