Ukrayina Mudafaa nazirliginiñ Baş istihbarat idaresi işğal etilgen Qırımda Rusiye ava mudafaası, aviatsiyası, flotu ve diger 2025 senesi maqsatlarınıñ yoq etilmesiniñ "tarihiy kadrları"nı kösterdi. Bİİniñ "Prımarı" mahsus bölüginiñ askerleri bu operatsiyalarnı kerçekleştirdiler.
Bu video qara qış ayınıñ 2-nde Facebookta yayınlandı.
Videoda, hususan, rusiye radolokatsiya sistemaları, zıddiyet-raketa kompleksleri, arbiy uçaqları, vertolötları ve gemilerniñ bozulmasını körmek mümkün.
"Ukrayina Mudafaa nazirliginiñ Baş istihbarat idaresiniñ "Prımarı" mahsus bölüginiñ ustaları ukrayinlerni kelecek Yañı yılnen hayırlaylar ve 2025 senesi Rusiye işğalcileriniñ qıymetli arbiy maqsatlarını yoq etüvniñ unutılmaz tarihiy kadrlarını bağışlaylar", — dep haberde qayd etildi.
Qara qış ayınıñ 1-nde işğal etilgen Qırımnıñ Kerç şeerinde patlavlar oldı. Rusiye Mudafaa nazirliginiñ malümatına köre, yarımadanıñ üzerinde AMS 13 dronnı tüşürdi.
Hatırlatamız ki, Yañı yıl gecesi Ukrayina SQniñ insansız sistemalar quvetleriniñ ücüm dronları Rusiyeniñ vaqtınca işğal etilgen topraqlardaki, hususan Qırımdaki, arbiy ve astyapı obyektlerine ücüm etti.
Zarar körgenler arasında Ğvardiyske arbiy ava limanı yanındaki radiolokatsiya obyektleri bar, dep USQniñ komandanı Robert Brovdi ("Madâr") bildirdi.
İşğal etilgen Qırımnıñ Olenivka civarında Rusiye ordusınıñ 92-nci özen katerleri brigadasınıñ yüzüci bazaları zarar kördi, em de ST-68 tipindeki üç koordinatlı radiolokatsiya stantsiyası yoq etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
