2025 senesi ilk qış ayında işğal etilgen Qırımda sağlıq aqqınıñ eñ az 7 bozuluvı qayd etildi. Olardan 6-sı qırımtatarlarğa qarşı edi.
Qırımtatar resurs merkezi ilk qış ayı esabatında bunı bildirdi.
"Bir ay devamında bu aq Qırım siyasiy mabüsi Tofik Abdulaziyev, Boğdan Ziza, Mecit Abdurahmanov, Amet Süleymanov, Edem Smailov, Lenur Halilov, Tofik Abdulaziyevge nisbeten bozulğan edi. Bu kibi bozuvlar siyasiy mabüslerniñ sağlıq vaziyetiniñ bozulması, advokatlarnıñ ve mabüslerniñ qasevetlerine qulaq asılmaması, eñ yüksek seviyege aqqı olğan tibbiy yardımnıñ berilmemesinen bağlı", — dep haberde qayd etildi.
Hatırlatamız ki, 2025 senesi ilk qış ayında Rusiye işğal etilgen Qırımdan ağır hasta olğan Qırım siyasiy mabüsi Lenur Halilovnı Rusiyeniñ Arhangelsk şeerindeki tüzetüv müstemlekesine ketirdiler. "Qırım birdemligi"ne onıñ apayı Umida Hudoyberdiev Arhangelskke etapnıñ bitirilmesi aqqında bildirdi.
Şimdi onı karantin kamerasında izolâtsiyada tutalar ve alını yahşılaştırmaq içün ilâclar bermeyler, dep "Qırım birdemligi" bildirdi. Lenur Halilovğa metastazlı qaraciğer kanseri, hronik hepatit C, II-nci dereceli gipertoniya, qaraciğer şişigi ve sol büyrek diagnozı qoyuldı.
2025 senesi ilk qış ayında siyasiy mabüs Tofik Abdulgaziyevniñ miyinde zararlı şişik tapıldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
