İşğal etilgen Qırımda pestitsit ve agrohimikatlarnı qullanuv bozuvlarını qayd eteler. 2025 senesi Rusiye Federatsiyasınıñ Azaq-Qara deñiz köy hocalığı nezareti idaresiniñ keçirgeni teşkerüv neticelerine köre, bozuluvlar 25 vaqiadan 23-nde qayd etildi.
Milliy muqavemet merkezi bunı bildirdi.
"Böyle köstergiç, işğal etilgen topraqlarda tek bir kerçek çatışma degil de, topraq saasında kontrolniñ bütünley ğayıp oluvını köstere. Birinciden, köy hocalığınıñ mahsus östürmelerini işlemek içün izin berilmegen agrohimikatlarnıñ qullanılması aqqında söz kete. Demek ki, toksik olğan ilâclar telükesizlik qaidelerinden, bozulma müddetinden ve soñki qullanıcı içün telükesizlikten tış qullanıldı. MMMniñ malümatına köre, bir sıra vaqiada laf RFda yasaqlanğan ya da sıñırlanğan, amma Qırımğa sadeleştirilgen ketirüv shemaları vastasınen ketirilgen ilâclar aqqında kete", — dep haberde qayd etildi.
MMMniñ bildirgenine köre, işğalli memuriyet bu mesele aqqında teşkerüvlerden evel bile edi, amma areket etmedi.
"Mevsim başında hususan bağça, çağ ve bostalarda qaidelerniñ kütleviy bozuluvı aqqında haberler keldi. Faqat cevap berüv vaqtınca yapıldı — yerli akimiyet, "ital yerine ketirilgen muvafaqiyetler" olaraq ilân etilgen mahsulatnı toplav planlarını toqtatmağa istemedi", — dep MMM yazdı.
Merkezniñ malümatına köre, çiftçiler ve büyük agroşirketler, kerekli sertifikatlar ve nezaret olmadan, daa ucuz ve daa sert ilâclarnı qullanmağa teşviq etildi.
"Çoqusı allarda, agrohimiya teminleyici olaraq işğalli qurulışlarnıñ memurlarınen bağlı olğan şirketler iştirak ete edi, bu ise menfaatlar çatışması ve bozuluvlar içün cezasızlıq yarata edi. Bu ameliyatnıñ aqibetleri köy hocalığı saasından tış pek çoq yerge çıqa. Pestitsidlerniñ yañlış qullanılması, aşayt mallarında toksik maddelerniñ birikmesine, topraq ve yerastı suvlarnıñ kirlenmesine yol aça. Halq içün bu, zeerlenüv, allergik reaktsiyalar, hronik hastalıqlar ve uzun müddetli sağlıq meseleleri, hususan balalar ve esli-başlılar arasında, arttıruv telükesi demektir", — dep MMM yazdı.
Hatırlatamız ki, Ukrayina prezidentiniñ Qırım Muhtar Cumhuriyetindeki daimiy temsilcisiniñ muavini Denıs Çıstikovnıñ aytqanına köre, Qırımdaki yerli istisal eksilmekte: köylerde sığırlarnıñ sayısı eksilmekte, süt zavodları toznen çalışa, fermacılar ise suv, yem ve qabarcılıqtan şikâyet eteler.
Qırımğa mahsulatnıñ çoqusı Ukrayinanıñ vaqtınca işğal etilgen diger topraqlarından ketirile. Hususan, sebze — Herson vilâyetiniñ VİETından, dep Çistikov ayttı.
"Yañı işğal etilgen topraqlardan mahsulat yerli sakinlerniñ talabını qarşılay. Yani yañı işğal etilgen topraqlarnıñ sakinleri Qırımğa barğanda olarnı ne beklegenini aytalar, ve olarnıñ mahsulatı — onı bekleyler ve şartlı olaraq memnünler, ve talap bar", — dep qayd etti o.
2023 senesi ilk yaz ayınıñ 6-nda işğalciler tarafından Kahovka suv elektrik stantsiyasınıñ batareyası patlatılğan soñ, Qırımnıñ suv vaziyeti daa beter oldı. Simferopoldan (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adten) uquq qorçalayıcı ayttı ki, fermacılarğa suvaruv içün suv berilmey, çünki resurs yoq.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
