Qara qış ayınıñ 8-nde işğal etilgen Qırımda telükeli ava vaziyeti aqqında fevqulâde haberdarlıq ilân etildi. Yağmur ve yel beklenile.
Qırım fevqulâde vaziyetler nazirligi bunı bildirdi.
"Qara qış ayınıñ 8-nde ve 9-nda Qırımda kündüz yağmur yağacağı beklenile, qara qış ayınıñ 9-nda yağmur ve qar yağacaq. Cenübiy rayonlarda ve dağlarda pek küçlü yağanaqlar beklenile. Cenübiy-ğarbiy yelniñ küçlenmesi beklenile, 15-20 m/s, bazı yerlerde 25 m/s tezliginen şimaliy-ğarbiy yelge keçe", — dep haberde qatd etildi.
Hatırlatamız ki, qara qış ayınıñ 5-nde Qırımda fevqulâde vaziyet ilân etildi. Furtuna aqibetleri aqqında RİA "Novosti Krım" haber etti.
"Beş nezaret gruppası çalışa, özenlerde suv seviyesiniñ köterilüvi qayd etilmedi. Şimdi Qırımnıñ cenübiy yalısında "Yalta-Sevastopol" qara yolu boyunca topraq ve tereklerniñ tüşmesi aqqında malümat teşkerile", — dep haberde bildirildi.
Şaatlarnıñ aytqanına köre, deñizde bir qaç sığınacaq yıqıldı ve ticaret pavilyonları zarar kördi.
Qara qış ayınıñ 2-nde Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerinde ve işğal etilgen yarımadanıñ daa bir qaç şeerinde ve mesken yerlerinde fevqulâde işler sebebinden suv berilmesi toqtatıldı ya da sıñırlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
