İşğal etilgen Qırımda "Sevastopol(AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad)-Yalta" yolunıñ qurucılığı devam ete. "Sarı şerit" areketiniñ vekilleri yol kenarında biñlernen terekniñ kesilgenini qayd ettiler. Olarnıñ malümatına köre, zarar körgen yerlerde kesilgen tereklerni oturtmaq planları işğalciler tarafından muzakere etilmedi.
Areket Telegramda bunı bildirdi.
"İşğalli akimiyet Sevastopol-Yalta yolunı kenişletmege qarar aldı, yol boyu biñlernen ağaçnı kesip attılar. Fikirli leyha yerine (mesele olğan yerlerde kezintiler, qoşma ögler, parallel yollar) işğalciler sadece yolnı tozdan, sıcaqtan ve avdarmalardan qorçalağan ormanlarnı yoq eteler. Parazitniñ tek qararı — bir şey qaldırmayıp, bir şeyni yoq etmek. Kompensatsiya olaraq tereklerni oturtmaq planları muzakere etilmedi", — dep haberde qayd etildi.
Hatırlatamız ki, 2025 senesi arman ayınıñ 29-nda Rusiyeniñ Novorossiysk şeherinde yüz bergen bir patlav neticesinde Qara deñizge eñ az 10 tonna neft mahsulatı tüşti. Uydu resimlerinde körüngenine köre, lekelerniñ umumiy meydanlığı 350 kvadrat kilometrni teşkil ete ve işğal etilgen Qırımğa doğru areket etmege devam ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
