Qırım köpründe maşnalar kontroldan nasıl keçe

İşğalli Qırım akimiyeti Qırım köprü2018 senesi Rusiye tarafından qanunsız qurulğan, Taman yarımadasını Keriç yarımadasınen bağlağan köpür.nden keçüv qaideleri ve yasaqları cedvelini derc etti. Yañı yıl bayramları devamında ruslar havfsızlıq tedbirlerini ve kontrol noqtalarınıñ sayısını arttırdılar. İşğalciler er bir maşnanı ve yolcularnıñ çantalarını diqqatnen teşkereler.

Yañı sıñırlavlarnıñ tafsilâtları aqqında işğal "Qırım naqliyat naziriniñ muavini" Aleksandr Ovdiyenko Telegramda bildirdi.

"Teşkerüvler er angi miqdarda (atta 10 gramm) patlayıcı, narkotik ve qanunsız silânıñ ketirilmesini toqtatmaq içün yapıla", — dep işğalli memur bildirdi.

Onıñ aytqanına köre, Qırım köpründen yük maşinaları ve yük furgonları, elektrik maşnalar ve çeşit-türlü hibridler keçmey. Daa evel ruslar bu sıñırlavnı "terrorizmge qarşı eyyetniñ tevsiyesi" ile añlattılar.

Aynı yasaq, ayaqmaşna, mototsiklet, skuter, bagi, kvadro, mono, elektromotor, sigvey, at, artında penceresi olmağan yük maşnalarına da tesir ete. Yük taşımaq içün qullanılğan, yerleri çıqarılğan yolcu vagonları — iç bir vaqıt keçmey bile ya da tam boşatılğan soñ, elnen baqılğan, teşkerilgen ve taratılğan soñ keçe bile.

"El teşkerüvine yollaylar: avtoboks ve buzdolapları olğan yengil maşnalar (mini, sedan, kupe, universal, krossover, cip). Maşna toqtay, aydavcı çıqa. Hadim maşnanı aşağıdan ve vizual olaraq (yük qısmı, kapot, dolaplar) baqa. Aydayıcı ve yolcularğa introskopik seritke ne alıp ketmek kerek olğanını kösterecekler. Skanerge: introskopqa keçmeycek büyük yük taşığan maşnalar; yolcu mikroavtobusları, hususan, boş olğanlar; avtoevlerköpçekli ev, kamper, ya da avtodom — seyaat etmege ve yaşamağa imkân bergen mesken modüli olğan öz başına yürgen naqliyat vastası yollanıla. Skaning bir anda 5 maşnanen beraber stantsiya kompleksinde yapıla. Bir skan ceryanı tahminen 20 daqqa devam ete", — dep Ovdiyenko añlattı.

İşğali memurnıñ malümatına köre, şimdi Qırım köpründe tam bir pasport nezareti yoq.

"Müim şey — qıdırda olmamaqtır. Borçlar, bala ödemeleri ve arbiy hızmetler teşkerilmey. Er angi bir memleketniñ vatandaşı olmaq mümkün — atta bir Merihli. Numeralar — er angi", — dep Ovdiyenko qayd etti.

Qırım köpründen keçken rus aydavcılarına 100 litrden ziyade benzin taşımağa izin berilmey. Feyerverk yasaq etile, 25 kilogrammlıq 5 çuvalğa qadar tahıl ya da qurucılıq malzemeleri ketirile bile.

Silâ aqqında aytsaq, işğalciler travmatik ve avcılıq silâlarınıñ vesiqalarını teşkereler, sıñırlavlar pıçaq, balonçıq, şokker, ava tüfekli tüfek, hatıra qılıçları, balta, gaz balonları, pnevmatik, ratsiyağa qullanılmay.

Bundan da ğayrı, "resmiy" malümatına köre, keçit kününde yol qaideleri deñiştirilgen naqliyat kategoriyaları bar.

Yañı yıl bayramları vaqtında Qırım köpründe maşnalar nevbeti arta başladı. Qara qış ayınıñ 5-nde saat 15:00-da (Kıyiv vaqtına köre) anda 700-den ziyade maşna bar edi, dep köpürdeki vaziyet aqqında operativ malümat bergen Telegram kanalı bildirdi. Beklev müddeti eñ az eki saat edi.

Hatırlatamız ki, Yañı yıl bayramları arfesinde işğalciler Qırım köpründe havfsızlıq tedbirleriniñ quvetleştirilüvi aqqında bildirdiler. Rusiye Naqliyat nazirliginiñ qararına binaen, anda nezaret noqtalarınıñ sayısı arttırıla ve naqliyat teşkerüvleri quvetleştirile.

Читати ще