USQniñ insansız sistemaları quvetleri vaqtınca işğal etilgen topraqlarda, hususan Qırımda, Rusiyeniñ arbiy ve astyapı obyektlerine ücüm etti. Maqsadlar arasında — gemiler bazası ve Olenivka civarındaki radilokatsiya stantsiyası.
İSQniñ komandanı Robert Brovdi ("Madâr") Facebook saifesinde bu aqqında haber etti.
Robert Brovdiniñ aytqanına köre, ücüm vaqtınca işğal etilgen topraqlardaki on obyektke, em de Rusiye Federatsiyasınıñ territoriyasınıñ terkibinde eki obyektke yapıldı.
Hususan, işğal etilgen Qırımda, Olenivka civarında, Rusiye ordusınıñ 92-nci özen katerleri brigadasınıñ bazası zarar kördi, em de ST-68 tipindeki üç koordinatlı radiolokatsiya stantsiyası yoq etildi.
Bundan ğayrı, USQniñ malümatına köre, Luğansk, Donetsk ve Zaporijjâ vilâyetlerinde Rusiye ordusınıñ obyektleri, hususan Rovenkiyniñ neft bazası, Melitopol ve Moloçanskta duşman erkânınıñ yerleşüv noqtaları ve elektrik stantsiyaları zarar kördi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
