Vaqtınca işğal etilgen Qırımda siyasiy taqiplernen beraber qanunsız memuriy repressiyalar kütleviy şekilde qullanıla. Bu davalar "RF Silâlı quvetleriniñ itibardan tüşürilüviRF CQniñ 20.3.3-nci maddesi" maddesine istinaden açıldı, olar vatandaş ealisine basqı yapmaq içün esas aletlerden biri oldı.
Ukrayina prezidentiniñ Qırım Muhtar Cumhuriyetindeki temsilciligi bu aqqında haber etti.
2025 senesi ilk qış ayınıñ 31-ne qadar yarımadadaki "mahkemeler" ve diger işğalli "organalar"ğa "Rusiye Federatsiyası Silâlı quvetlerini itibardan tüşürgen cemaat areketleri" maddesine istinaden açılğan 1657 dava alındı.
1542 vaziyette, para cezası şeklinde memuriy para cezasınıñ berilmesi ya da toplu qarar alınmasınen bağlı diger davalarğa qoşulması aqqında qarar çıqarıldı. Daa eki dava baqıla.
Berilgen malümatqa köre, qararlarnıñ çoqusı qadınlarğa qarşı çıqarıldı — 816 adise, umumen 53%-i. Adamlarğa qarşı ise 724 qarar qabul etildi (47%).
Aynı zamanda böyle davalarnıñ sayısı ep arta. 2024 senesi vaqtınca işğal etilgen Qırımda Rusiye "mahkemeleri" tarafından "Rusiye ordusını itibardan tüşürüv" maddesine istinaden 494 dava baqıldı, 2025 senesi ise — endi 518, yani 24 dava, ya da 5% çoqça.
Eñ çoq dava Ermeni Bazarda yüz berdi. 2024 senesi "Ermeni Bazar şeer mahkemesi" 494 davadan 220-sini (tahminen 44%), 2025 senesi ise — 518 davadan 264-üni (51%-den çoq) baqtı. Bu "mahkeme"niñ işğal etilgen topraqlarda memuriy basqı ve repressiv qararlar çıqarmaq içün esas aletlerden biri olaraq qullanılğanını köstere.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
