İşğal etilgen Qırımda Keriçniñ sakinleri suv keyfiyetinden şikâyet eteler: kranlardan yaramay qoqusı olğan sarı suv aqa. Normağa riayet etmegenine baqmadan, işğalcilerniñ aytqanşarına köre, suv "içile bilir".
İlk qış ayınıñ 30-nda "Sarı şerit" cemaat areketiniñ Telegramında bu aqqında haber etildi.
Faalcilerniñ qayd etkenlerine köre, bu tek bir adise degil de, şeerniñ farqlı rayonlarında devamlı olğan bir meseledir.
"Bir çoq şikâyetke cevap olaraq "Voda Krıma" (işğalli AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki admüessisesi, 2014 senesi işğalden soñ yarımadada suv teminlevini nezaret ete — muar.) mesele fitoplankton miqdarınıñ artmasınen bağlı olğanını bildirdi. Suvnıñ normal seviyege riayet etmegenine baqmadan, suv içile bilir, dep aytalar", — dep haberde qayd etildi.
Hatırlatamız ki, ilk qış ayınıñ 30-nda Bağçasaray rayonında fevqulâde elektrik kesilüvi qayd etildi. "Krımenergo" işğalli müessisesiniñ bildirgenine köre, Aromatne, Vısoke ve Sonâçnosillâ mesken yerleri elektriksiz qaldı. Energetiklerniñ malümatına köre, elektrik teminatını ğayrıdan tiklemek içün tahminen üç saat kerek.
İlk qış ayınıñ 29-nda yaramay ava sebebinden 17 biñ sakin elektriksiz qaldı. Simferopol (Aqmescit), Çornomorske ve Bağçasaray rayonlarında fevqulâde vaziyetke azırlıq işleri alıp barıldı.
"Sarı şerit" cemaat areketiniñ bildirgenine köre, qarlı yollar temizlenmey. Kommunal hızmetçilerge yollarğa qum tökmege yasaq ettiler, çünki "buzlavuq yoq", ve bu qum evlerge kirecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
