İşğal etilgen Qırımda ava sebebinden 17 biñ insan elektriksiz qaldı. Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Çornomorske ve Bağçasaray rayonlarında fevqulâde vaziyetke azırlıq işleri devam ete.
Rusiye kontrolindeki Qırım Energetika nazirliginiñ matbuat hızmeti bunı bildirdi.
İşğalli müessiseniñ malümatına köre, qoşma tamir brigadaları teşkil etildi, kerekli tehnika ve malzemeler azırlandı. Bağçasaray rayonınıñ yedi meskün yeri ve Bağçasaray şeeri elektriksiz qaldı.
Ava bozuluvı naqliyat meselelerini de yarattı. Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarındaki Verhnesadovo köyü yaqınlarında qarlı yolda büyük tıqanıqlıq peyda oldı. İşğalli Sevastopol (Aqyar) polisi bunı bildirdi.
Bundan da ğayrı, Qırımnen bağlanğan trenler keçiktirildi. Bazarertesi künü saba altı tren keçiktirildi, dep Grand Service Express naqliyat şirketi bildirdi.
Yerli Telegram kanalları yarımada şeerlerinde cemaat naqliyatınıñ qıyınlaşqanını bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
